Aǧymdaǧy jyldyŋ 17-24 qaraşasy aralyǧynda Özbekstannyŋ oŋtüstıgındegı, Auǧanstanmen şekaralas Termez audandyq poligonynda qazaq-özbek bırlesken oqu-jattyǧuy ötedı, dep habarlaidy "Adyrna" ūlttyq portaly Qazaqstan Respublikasy Qorǧanys ministrlıgınıŋ baspasöz qyzmetı.
Bırlesken manevrlerdıŋ maqsaty – bırlesken mındetterdı şeşu barysynda bauyrlas ekı memlekettıŋ qaruly küşterınıŋ üilesımdılıgı men özara ıs-qimyl deŋgeiın arttyru.
Oqu-jattyǧuǧa Qazaqstan tarapynan 100-den astam äskeri qyzmetşı qatysady, köpfunksionaldy Su-30SM joiǧyştary, S-295 äskeri-kölık ūşaqtary, taktikalyq ūşqyşsyz ūşu apparattary qatysady.
Qazaqstandyq bölımşelerdıŋ jauyngerlık daiarlyǧynyŋ mındetterıne ızdestıru-barlau jūmystaryn jürgızu, qarsylastyŋ aldyŋǧy qatarly jasaqtaryn joiu, şabuylǧa toitarys beru jäne zaŋsyz qaruly qūralymdardy keiınnen joiu, jaralylar men jaramsyzdardy evakuasiialau kezındegı jauyngerlık qarauyl bölımşelerınıŋ ıs-qimyldaryn jattyqtyru kıredı.
"Adyrna" ūlttyq portaly
