Elımız täuelsızdık alǧaly 30 jyl ışınde Maŋǧystau oblysynda 11 mln 333,2 myŋ şarşy metr tūrǧyn üi paidalanuǧa berıldı. Äsırese tūrǧyn üi qūrylysy oblys ortalyǧynda qarqyndy jürude. Aqtauda soŋǧy bes jylda jaŋa 11 şaǧyn audan boi köterdı dep habarlaidy oblys äkımınıŋ baspasöz qyzmetı.
Aita keteiık, 2021 jyldyŋ jospary 1,201 şarşy metrdı qūrady. Al biylǧy 10 aidyŋ qorytyndysy boiynşa 954 myŋ şarşy metr tūrǧyn üi tapsyrylǧan.
2020 jyly «Nūrly jer» tūrǧyn üi-kommunaldyq damytudyŋ 2020-2025 jyldarǧa arnalǧan memlekettık baǧdarlamasy aiasynda jalǧa berıletın tūrǧyn üi qūrylysyna jäne satyp aluǧa 2,4 mlrd. teŋge bölındı. Būl qarajat kölemı 23,5 myŋ ş. m. 305 päterlı tūrǧyn üilerdıŋ qūrylysyna jäne 67 päter satyp aluǧa jūmsaldy.Aqtau qalasynyŋ tūrǧyny Qylyşbai Samat ta jaŋa päter aldy. Onyŋ aituynşa, ol «Aqqu-3» tūrǧyn üi keşenındegı alǧaşqy päterın memlekettık baǧdarlamalarǧa säikes, «Otbasy bank» arqyly konkurstan ötıp alǧan. Baspanaly bolǧan jas jıgıt jaqynda şaŋyraq kötermek.
Būdan bölek «Nūrly jer» baǧdarlamasy boiynşa Aqtau qalasynyŋ jaŋa şaǧyn audandarynda jaŋadan salynǧan tūrǧyn üilerdı injenerlık jelılermen qamtamasyz etuge respublikalyq biudjetten 3,2 mlrd. teŋge bölındı. Qarajat tolyq igerılgen.Biyl «Nūrly jer» memlekettık baǧdarlamasy aiasynda 1407 päterlık tūrǧyn üilerdıŋ qūrylysyn aiaqtau josparlanǧan. - Qalanyŋ jaŋa şaǧyn audandarynda jeke qūrylys saluşylardyŋ qatysuymen 100-den astam köppäterlı tūrǧyn üidıŋ qūrylysy jürgızılude. Olardyŋ belgılı bır bölıgı osy jyldyŋ soŋyna deiın paidalanuǧa berıledı. İnjenerlık jelılerdıŋ qūrylysyna Ūlttyq Qordan 4,5 mlrd.teŋge bölındı. Ortalyq memlekettık organdar 13 jobany ıske asyruǧa kelısım berdı. Barlyq joba jyl soŋyna deiın aiaqtalady dep kütılude, - dedı Maŋǧystau oblysy qūrylys, säulet jäne qala qūrylysy basqarmasy basşysynyŋ mındetın atqaruşy Ainūr Mankeşova.
«Adyrna» ūlttyq portaly.
