Almatyda jeke sot oryndauşysy anasy türmede otyrǧan 15 jäne 3 jastaǧy qyzdardy üilerınen küştep şyǧaryp, baspanasyn satyp jıbermek bolǧan, dep habarlaidy “Adyrna” ūlttyq portaly Stan.kz saityna sılteme jasap.
Būl turaly advokat Johar Ötebekov özınıŋ Facebook paraqşasynda jazǧan. Anyqtalǧandai jeke sot oryndauşysy Rasulov anasy sottalyp ketken balalardyŋ baspanasyn öz betınşe baǧalap, satuǧa qoimaq bolǧan.
Onyŋ baspanany alu turaly būiryǧyna Medeu audandyq sotynyŋ sudiasy Moldabaev şeşım şyǧarǧan. Alaida qalalyq sottyŋ sudiasy Baqytjan Elşıbaev Medeu audandyq sotynyŋ qaulysyn būzyp, şeşımnıŋ küşın joidy. Ata-anasyz qalǧan ekı qyzdyŋ üiı osylaişa özderıne qalatyn boldy.
"Jeke sot oryndauşysy atqaru paraǧyn oryndau täsılı men tärtıbın özgertu turaly ūsynyspen sotqa jügındı. JSO talaptary onyŋ öndırısınde İ.-dan jäne basqa da sottalǧandardan jäbırlenuşı K-nyŋ materialdyq zalaldyŋ paidasyna 46 mln. teŋge somasynda ortaq tärtıppen öndırıp alu turaly atqaru paraǧynyŋ boluymen negızdelgen. Boryşkerde (sottalǧan İ.) basqa mülık pen aqşa qarajatynyŋ bolmauyna bailanysty sot oryndauşysy Almaty qalasynda ornalasqan jyljymaityn mülıktegı ½ ülesten öndırıp aludy sūrady. Būl üide sottaluşynyŋ äpkesı men balalary tūrady. Bırınşı satydaǧy sottyŋ ūiǧarymymen JSO ūsynysy qanaǧattandyryldy, boryşker mülkınıŋ ½ ülesıne öndırıp alyndy", - dep habarady Almaty qalalyq sotynyŋ baspasöz qyzmetı.
Sot oryndauşysy baspanany menşık ielerınıŋ qatysuynsyz baǧalaǧan. Qalalyq sottyŋ alqasy ıstı qarau barysynda jeke sot oryndauşy Rasulovtyŋ mülıktı baǧalau kezınde asyǧystyq tanytyp, menşık ielerı nemese olardyŋ ökılderınıŋ qatysuynsyz jürgızgenın anyqtady.
Medeu audanynda ötken alǧaşqy sot ısıne balalardyŋ ökılderı de, türmede jazasyn ötep jatqan İdelşaevany da qatystyrmaǧan. Istıŋ aq-qarasyn anyqtamai jatyp şeşım şyǧarǧan audandyq sottyŋ sudiasy men sot oryndauşysy endı jazalanady.
"Bırınşı satydaǧy sottyŋ ūiǧarymy JSO ūsynymyn qanaǧattandyrudan bas tartu turaly jaŋa ūiǧarym şyǧarumen joiyldy. Sonymen qatar, jeke sot oryndauşylarynyŋ öŋırlık palatasynyŋ atyna jeke ūiǧarym şyǧaryldy", - dedı vedomstvodan.
Qyzdardyŋ anasy Dilara İdelşaeva alaiaqtyq äreketı üşın 5 jylǧa sottalyp ketken. Äkelerı de joq.17 jastaǧy Nargiz İdelşaeva bolsa qiyndyqtarǧa qaramastan oquyn jalǧastyryp, ärı 3 jastaǧy sıŋılısın de baǧyp kelgen.
Al ata-ana qamqorlyǧynsyz qalǧan balalar turaly qalalyq bılım basqarmasy eşteŋe bılmeitın bolyp şyqty.
"Sot Almaty qalalyq Bılım basqarmasyna sottalǧan İdelşaeva Dilara Äbdıraşitqyzyŋ kämeletke tolmaǧan balalaryna qorǧanşy taǧaiyndaudy mındettedı. Medeu audandyq qorǧanşylyq organy būl sot ūiǧarymyn tek 2021 jyldyŋ qyrküiek aiynda Dinara İdelşaevanyŋ öz qolynan alǧan. Būǧan deiın sottan nemese bılım beru mekemesınıŋ äkımşılıgınen olardyŋ ata-anasyz qalǧany turaly aqparat tüspegen. Balalar Almaty qalasy, Uchitelskaia köşesı 40-üi meken-jaiynda Dinara İdelşaevamen (sottaluşy İdelşaevanyŋ äpkesı) bırge tūrady. Nargiz Almatydaǧy Respublikalyq joǧary kolledjde oqidy, al sıŋlısı onyŋ tärbiesınde. Nargiz kämelettık jasqa tolǧan boida sıŋlısı Amirany qamqorlyqqa alyǧysy keletının bıldırdı. Balalar Dinaranyŋ qamqorlyǧynda bolady. Aldaǧy uaqytta balany balabaqşaǧa ornalastyru mäselesı şeşılmek", - dedı Bılım basqarmasynyŋ ökılderı.
“Adyrna” ūlttyq portaly
