Qazaqstanda kúnbaǵys maıy bir jylda 56%-ǵa qymbattady, dep habarlaıdy “Adyrna” ulttyq portaly Zakon.kz saıtyna silteme jasap.
Zertteýshilerdiń málimetteri boıynsha, 2021 jyldyń qańtar-qyrkúıek aılarynda elimizde 131 myń tonna tazartylmaǵan kúnbaǵys maıy óndirildi. Bul ótken jylmen salystyrǵanda 1,4%-ǵa az. Sonymen qatar tazartylǵan maı óndirisi birden 29,7%-ǵa, 109,8 myń tonnaǵa deıin ulǵaıdy.
Óńirlik bóliniste tazartylmaǵan kúnbaǵys maıyn óndirý kólemi boıynsha Shyǵys Qazaqstan (98 myń tonna), Qostanaı (10,5 myń tonna) jáne Aqtóbe (8,3 myń tonna) oblystary kósh bastap tur, - delingen Energyprom.kz habarlamasynda.
Tazartylǵan maı shyǵarý boıynsha Shymkent (47,3 myń tonna), Shyǵys Qazaqstan oblysy (40,4 myń tonna) jáne Almaty (17 myń tonna) kósh bastap tur.
2020 jyly elimizde 351,3 myń tonna kúnbaǵys maıy óndirildi. Bir jyl burynǵyǵa qaraǵanda 9,7%-ǵa artyq.
Aǵymdaǵy jyldyń segiz aıynyń qorytyndysy boıynsha jergilikti kompanııalar kúnbaǵys maıyna suranysty ishki naryqty 80,2%-ǵa qamtamasyz etti.
Import úlesine tıisinshe 19,8% tıesili boldy. Elge jyl basynan beri 54,5 myń tonna maı ákelindi. Bul ótken jyldyń sáıkes kezeńimen salystyrǵanda 12,1%-ǵa az. Eksportqa 58,5 myń tonna kúnbaǵys maıy jiberildi, jylyna mınýs 25,5%, - dep naqtylady sarapshylar.
Ishki naryqta satý 217 myń tonnaǵa jetti. Bir jyl burynǵyǵa qaraǵanda 23,8%-ǵa artyq.
2021 jyldyń qazan aıynda eldiń dúkenderi men bazarlarynda bir lıtr kúnbaǵys maıyn 767 teńgege satyp alýǵa bolady. Bir jyl burynǵyǵa qaraǵanda birden 56,2%-ǵa artyq. Bir aı ishinde baǵa 0,3%-ǵa, jyl basynan beri 29,9%-ǵa ósti.
Elimizdiń iri qalalary arasynda kúnbaǵys maıynyń bir lıtri Atyraýda (836 tg), al arzany Petropavlda (664 tg) qymbattady.
Óńirlik bóliniste jyldyq dınamıkadaǵy baǵalar BQO-da birden 71,7%-ǵa, Qostanaı oblysynda 70,9%-ǵa, Aqmola oblysynda 69,8%-ǵa ósti. Eń az jyldyq ósim Qaraǵandy oblysynda jáne Astanada - 44,3%-ǵa ósken.
“Adyrna” ulttyq portaly
