Ortalyq Azııadaǵy birinshi hanymdar: Prezıdenttiń áıelderi nemen aınalysady?

4370
Adyrna.kz Telegram

Ortalyq Azııa memleketteriniń basshylary óz jubaılaryn kópshilik aldyna kóp shyǵarmaıdy. Kóbinese birinshi hanymdar ózge memleket basshylary kelgen arnaıy sharaǵa qatysady. Birinshi hanymdardyń kópshiligi arnaıy qorlar ashyp, qaıyrymdylyqpen aınalysady. 

Qazaqstannyń birinshi hanymy

Qazaqstanda osy ýaqytqa deıin birinshi hanym retinde bir ǵana adam belgili. Ol tuńǵysh prezıdent, Elbasy Nursultan Nazarbaevtyń jary Sara Nazarbaeva. Sara Nazarbaeva arnaıy qor ashyp, "Bóbek qory" arqyly túrli qaıyrymdylyq sharalaryn iske asyrady. 2019 jyly Qasym-Jomart Toqaev prezıdenttikke jaıǵasty, mine osy ýaqyttan bastap prezıdenttiń jubaıyna qatysty saýaldar týyndady. Qazaqstandyq BAQ prezıdent Toqaevtyń jubaıy Nadejda Davydovna ekenin, onyń Tagılde ómirge kelgenin jazdy.

Araǵa ýaqyt salyp Aqorda Toqaevtyń otbasylyq jaǵdaıyna qatysty resmı aqparatty shyǵardy. Otbasylyq jaǵdaıy - "ajyrasqan" dep kórsetildi. Keı ashyq derekkózderge senetin bolsaq Nadejda Máskeý memlekettik tarıhı-muraǵattyq ınstıtýtyn bitirgen. Qasym-Jomart pen Nadejdanyń 1984 jylǵy Tımýr esimdi uldary bar. Qazirgi tańda Tımýr munaı salasynda qyzmet etedi.

Nadejda Davydovna Tokaeva

Qyrǵyzstannyń birinshi hanymy

Qyrǵyzstan basshysy Japarovtyń jubaıy Aıgúl Asanbaıdyń jasy 48-de. Ol Ystyq Kól aımaǵynan. Onyń ákesi qazir daý-damaı ortalyǵyna aınalǵan Qumtór kenishinde uzaq ýaqyt qyzmet etken. Aıgúl Amanbaı mektep bitirgen soń, Qarakóldegi medıına kolledjine oqýǵa túsedi. Artynsha ol I.Arabaeva atyndaǵy Qyrǵyz memlekettik ýnıversıtetiniń pedagogıkalyq fakýltetin bitiredi.

Sadyr men Aıgúldiń tórt balasy bar. Aıgúl Asanbaı bir suhbatta bes balasy baryn, besinshi bala retinde jol apatynan qaza tapqan otbasynyń balasyn asyrap alǵanyn aıtqan. Aıgúldiń shyn esimi Gúlnur, tólqujatynda solaı jazylǵan. Degenmen halyq ta, otbasy da ony Aıgúl dep ataıdy.

Aıgúl Asanbaı "Úmit bulaǵy" atty qoǵamdyq qor quryp, Qyrǵyzstandaǵy analar men balalarǵa qamqorlyq kórsetýmen aınalysady. Al qazirgi tańda COVID-19 pandemııasymen kúresýde erikti bolyp jumys jasaýda.

Ózbekstannyń birinshi hanymy

Ózbekstan basshysy Shavkat Mırzıeev jubaıymen is-saparlarǵa jıi shyǵady. Alǵash ret Ózbekstannyń birinshi hatshysy 2017 jyly ózbek basshysy Qytaıǵa barǵan saparynda tanysty. Oǵan deıin Zıroathon Hoshımova kópshilik aldyna kóp shyqpaıtyn.

Zıroathon Hoshımovanyń ákesi Ferǵana jazyqtyǵyndaǵy eń bedeldi jandardyń biri bolǵan. Al kópshilik Ózbekstan basshysynyń Zıroathanmen tanysýyna ákesi sebepker bolǵan degen oıda. Hoshımova— ınjener-ekonomıst. Alaıda ol óz mamandyǵy boıynsha jumys istemeıdi, kóbine úı sharýasymen aınalysady.  Zıroathon Hoshımova halyqaralyq "Zamın" qorynyń ókili. Ol múgedek jandardyń quqyǵyn qorǵaý jumystarymen aınalysady.

Shavkat pen Zıroathannyń eki qyzy jáne bir uldary bar. Zıroathon Hoshımova-Mırzııoeva men reseılik  mıllıarder Álisher Ýsmanov qudalar. Keı derek kózderi Shavkat pen Zıroathonnyń qyzdary prezıdenttiń oqqaǵaryna turmysqa shyqqanyn aıtady.

Shavkat ı Zıroathon Mırzııoevy - Sputnik Tadjıkıstan

Tájikstannyń birinshi hanymy

Emomalı Rahmonovtyń jubaıy jaıly aqparat óte az. Resmı aqparat ta joq. Álemdik BAQ Tájikstan basshysynyń jubaıynyń esimi Azızmo Asadýllaeva ekenin jazady. Ol resmı jáne beıresmı saparlarǵa barmaıdy, kópshilikke shyqpaıdy. Emomalı men Azızmonyń jeti qyzy men eki uly bary ǵana belgili.

Azızmo Rahmonova 2014 jyly Emomalı Rahmonnyń Malaızııaǵa sapary barysynda bir márte kóringen.

Túrkimenstannyń birinshi hanymy

Túrkimenstannyń birinshi hanymy jaıly aqparat múlde joq. Belgili aqparattar boıynsha Túrkimenstannyń birinshi hanymynyń esimi Ogýlgerek Ataıqyzy Berdymýhamedova. Ol London men Ashhabad qalalarynda turyp, eki el arasynda jıi saıahattaıdy.

"Adyrna" ulttyq portaly

 

 

 

Pikirler