Serbiiada ötken älemdık dodada bır top qazaqstandyq sportşymyz elımızdıŋ ruhyn asqaqtatatyn jeŋısterge jetıp, älemge jeŋıs tūǧyrynda tūryp Qazaqstan memleketınıŋ gimnın tyŋdatty. Solardyŋ qatarynda greppling küresınen 84 kg salmaqta älem chempiony atanǧan oraldyq Zeineden Mūhambetjanov ta bar.
Negızınde, greppling küresı sportşy qauymǧa ǧana bolmasa, rasyn aitsaq, köbımızge beitanys jekpe-jek. Onyŋ şyǧu tarihy da öz aldyna bır äŋgıme desek, erekşelıgı de bar. Janküierler grepplingtı «jerde jatyp şahmat oinap jeŋıske jetu» dep te ataidy eken.
Öz salmaq därejesı boiynşa chempion atanǧan Zeineden grepplingpen ainalysqanyna 5 jyldan astam uaqyt ışınde ol bırden közge tüstı. Aziia chempionatynda kümıs, al elımızde ötken qalǧan jekpe-jekterge altyn jüldege ie bolyp jürdı. Eŋ bırınşı jeŋıske 2017 jyly Qyzylorda qalasynda ötken respublikalyq chempionatta, odan keiın Qostanai qalasyndaǧy chempionatta qol jetkızdı. Köp ūzamai Qazaqstannyŋ Greppling federasiiasy tarapynan ol Serbiiadaǧy Älem chempionatyna ırıkteuden ötıp, jauapkerşılık pen senım jügın arqalap älemdık dodaǧa qatysty.
- Zeineden, Älem chempionatyndaǧy jeŋıske jetu jolyndaǧy äserlerıŋmen bölıse ketseŋ?
- Serbiiadaǧy Älem chempionatyna,özderıŋız bıletındei, 25 eldıŋ sportşylary qatysyp, jeŋıs üşın baq synastyq. Menıŋ bırınşı qarsylasym –indus baluany boldy, men odan basym bolyp, ony 6: 0 esebımen jeŋdım. Ekınşı qarsylasym – äzırbaijan baluanyn da aiqyn basymdylyqpen erkın jeŋdım.Üşınşı qarsylasym - amerikandyq Kelvin Robertboldy. Aita keteiın, onyŋ jeŋıske degen ūmtylysy joǧary boldy. Tıptı jarys kılemıne şyqqanymda ol küres kılemıne bırden şyǧa qoimai, janküierlerınıŋ qolpaştauyna masattanyp, syrbazdanyp şyqty.Mūndaidy sportşylar psihologiialyq şabuyl deimız. Qazaqta mūny döŋaibat deuşı me edı... Sonymen, amerikalyqpen küres bastalyp kettı. Ol maǧan aiaqty auyrtu ädısın jasap, jeŋem dep oilady.Oǧan köp küş jūmsady. Bıraq men auyrsynsam da tözıp, aiaǧymdy şyǧaryp alǧan soŋ ony erkın kürestıŋ ädısımen audaryp tastap,tiıstı ūpaiymdy aldym.Osylaişa amerikalyq baluandy 2:1 esebımen ūttym. Finalda Fransiianyŋ Muhammed Bairaktar degen ataqty baluanymen kürestım.Ol djiu-djitsudan qara beldık iesı, myqty baluan eken. Qandai ataǧy bolsa da, men jüreksınbedım. 5:3 esebımen basymdyqpen jeŋıp, Älem chempiony atandym. -Senı jeŋıske jetelegen qandai küş? -Älem chempionatyna bükıl Qazaqstannyŋ atynan şyǧyp jatqan soŋ menı namys qamşylady. Namys degen ülken qamşy eken... Qarsylastarym da öz elınıŋ ırıkteuınen ötıp kelgen myqty baluandar ǧoi. Bıraq, salystyrmaly türde aitar bolsaq, küres alaŋynda özımnıŋ boiymnan baiqaǧanym, menıŋ daiyndyǧym fizikalyq jaǧynan da, funksionaldyq jaǧynan da joǧary deŋgeide ekendıgı. Menımen küreste olar qanşa myqty bolsa şarşap qalatynyn baiqadym. Men kürestıŋ aiaǧyna deiın şarşamadym. Onyŋ basty sebebı - ol daiyndyqtyŋ nätijesı. Ärine, quanyştyŋ aty quanyş, jeŋıske jetkenımde quandym. Öitkenı būl jeŋıstı bükıl qazaqtyŋ jeŋısı dep tüsınemın. Jeŋısımdı bükıl elıme arnaimyn! -Qazır orda būzar otyz jastan jaŋa ǧana astyŋ. Bolaşaqqa qandai jospar bar? - Jalpy alǧanda grepplingke jas jaǧynan şekteu joq. Aita keteiın ,kürestı 16 jastan bastauǧa bolady. Al jastyŋ joǧarǧy deŋgeiı, ärine, kım özın qalai sezınedı, soǧan bailanysty. Densaulyq syr bere bastasa sudialyq nemese jattyqtyruşylyqqa auysuǧa bolady. Bıraq, qazırgı taŋda 35-40 jasqa deiıngı baluandardy kördım ainalysyp jürgen. Özım älı de jalǧastyrmaq oiym bar būl kürestı.Grepplingtıŋ Qazaqstanda damuyna öz ülesımdı qosqym keledı älı de. Batys Qazaqstanda, dälırek aitqanda Oral qalasynda grepplingke män berılıp, oǧan jastardy baulu jūmysy jaqsy jolǧa qoiylǧan. Retı kelgende aita keteiın, menıŋ jeŋıske jetuıme atsalysqan köp adamdar boldy. Solardyŋ bärın atamasam da keibıreuıne rizalyǧymdy bıldırgım keledı. Eŋ bırınşı , qazır ol kısıler o dünielık bolyp kettı ,erkın kürestıŋ negızın qalaǧan Oqaşev Amangeldı men Molǧabekov Öteptı atar edım. İmandy bolsyn. Qazırgı jattyqtyruşylarym Mūhtar Hamzin,Qalenov Jänıbek,Qametov Jüsıp,Braziliiadan kelgen greppling jattyqtyruşysy Karlos Fals,Batys Qazaqstan oblystyq greppling federasiiasynyŋ basşysy Yhsanov Azat, jattyqtyruşysy Yhsanov Almas,Qazaqstan greppling federasiiasynyŋ prezidentı Qanat Alinge alǧysym erekşe. Menıŋ chempion atanuyma osy kısıler köp eŋbek sıŋırdı . -Chempion jıgıttıŋ üidegı rölı qandai: lidersıŋ be, älde?... -Ärine,otbasy degenıŋız – er adamnyŋ tynysy. Üide ata-anam,ekı qyzym, äielım menıŋ tıleuımdı tılep otyrǧany maǧan keremet küş beredı.Bızdıŋ otbasymyzda er adamnyŋ orny joǧary. Äielım men siiaqty qarapaiym. Aqyldy. Er adamdy qoldai bıledı. -Aq köŋılden şyqqan äŋgımeŋe rahmet, Zaineden! Älı de talai jeŋısterge jetedı degen oidamyz.Äŋgımelesken Baian Taŋatarova,
«Adyrna» ūlttyq portaly
