"Dauletten" qaiyrymdylyq qory bügınde baspanaǧa mūqtaj jandar men bılımge ūmtylǧan jastardy qoldap keledı. Būǧan deiın qor 40 baspana syilap, 100 şäkırtaqy taǧaiyndaǧan. “Bala-şaǧamen auylǧa”, “Ekınşı tynys”, “Bılımnıŋ jūldyzy” jobalary men “Qaiyrymdy qala” äleumettık keşenın ıske qosqan. Bügınge deiın qaiyrymdylyq ısterge 478 million teŋge jūmsaǧan. Jaqynda qor ūjymy bır jyldyq esep beru keşın ötkızdı. Atalǧan keşe baryp, qor müşelerımen tıldesken edık. Älqissa…
“Dauletten" qaiyrymdylyq qorynyŋ keŋesşısı, tanymal bloger Däulet Mūqaevtyŋ aituynşa, qaiyrymdylyq şaralar o basta oqyrmandardan tüsken hattardan bastalǧan. Qadırlı ıstı qolǧa alǧan ol osylaişa qordyŋ qūryluyna ūiytqy bolypty.-Eŋ alǧaş vagonda tūryp jatqan otbasyny körıp, oqyrmanym maǧan hat jazǧan bolatyn. Osyny instagramǧa salyp köreiınşı, mümkın adamdar jinalar dep oiladym. Salǧanym sol eken, bır täulıktıŋ ışınde bır otbasyny baspanaly qyldyq. Osylaişa bügınge deiın mūqtaj jandarǧa 40 baspana aldyq. Keiın atymyz tanymal bola bastaǧannan keiın, resmi türde tırkeldık. Halyqtyŋ ärbır jinalǧan tiyn- tebenıne esep jasap otyrmyz. Bız jalǧyz baspana emes, bılım baǧytyna da negızgı basymdyq beremız. Sebebı eldıŋ barlyǧyna üi äpere bersek, qoǧamda masyldar da köbeiıp ketedı. Sondyqtan da «eŋbek et, äreket et» degen ūranmen bılım baǧytynda da jūmys ıstep jürmız. Osyǧan deiın 10 şaqty balanyŋ oqu aqysyn tölep berdık. Odan bölek «Bılımnıŋ jūldyzy» degen granttar da taǧaiyndadyq, — deidı ol.
Al qordyŋ alǧaşqy direktory Ūlan Däuletqali qor jūmysyn alyp ketu üşın bıraz qiyndyqqa tap bolǧandaryn aitady.— Osy jobany qolǧa alǧanda älemde pandemiia bastalyp, sodan baspanany qoia tūryp, ottegı konsentrator aldyra bastadyq. Onyŋ logistikasy qiyn boldy. Iаǧni Qazaqstanǧa keluı, qūjattardyŋ retteluı, ony aman-esen jetkızu — bärı bızge ülken mäsele boldy. 300 apparatty taratamyz degenşe, köp uaqyt kettı. Ekınşı qiyndyq — qaiyrymdylyq qoryna degen qoǧamnyŋ qaişy pıkırı edı. «Būl kım sonda, olar aqşany qaidan alyp jatyr» degen terıs pıkırler aityldy. Bıraq bız jūmysymyzdyŋ nätijesımen däleldedık dep oilaimyn. 2020 jyly jazda «Bala-şaǧamen auylǧa» degen keremet joba äzırledık, — deidı ol.
“Dauletten" qaiyrymdylyq qorynyŋ qazırgı direktory Nūrsūltan Orynbek qazır qor bılımge ūmtylǧan jastarǧa köŋıl bölıp, olardyŋ oqu aqylaryn tölep berıp jatqandyǧyn aitady. Aldaǧy uaqytta qordyŋ bastamasymen el astanasyndaǧy Ūstazdar alleiasyna "El ümıtı" atty eskertkış qoiylmaq.-Bügınde qor jūmysyn arnaiy saitynan, insta paraqşasynan köruge bolady. Sol jerge mūqtaj jandar ötınış te qaldyra alady. Arnaiy keŋes talqylap, kım kömekke zäru ekenın şeşedı. Qorǧa qarajat halyqtan, mesenattar men kompaniialardan jinalady, — deidı Ūlan Däuletqali. Sonymen qordyŋ bır jylda atqarǧan jūmysyn bır auyz sözben tüiındeu qiyn. Degenmen el igılıgıne eŋbek etıp, mūqtaj jandarǧa qol ūşyn sozyp jürgen qaiyrymdy jandardyŋ qai bastamasy da özgelerge ülgı bolary anyq. Būl jerde sondai-aq qor ūjymy ǧana emes, bükıl el bolyp, tükpır-tükpırden kömek qolyn sozǧan erıktılerdıŋ de eŋbegı eren. Är erıktınıŋ aitar öz hikaiasy bar. Olar jaqsylyq jasauǧa qūştar, bır-bırın tyŋdaidy, syilaidy, özgelerdıŋ quanyşyna quanady. Şara soŋynda qordyŋ barlyq müşesı riza bolyp tarasty. Bız de qor ūjymyna sättılık tıledık.
"Adyrna" ūlttyq portaly.
