2021 jylǧy 1 qaraşadaǧy jaǧdai boiynşa 16 059 şeteldık azamat jergılıktı atqaruşy organdardyŋ rūqsaty boiynşa Qazaqstan Respublikasynyŋ aumaǧynda eŋbek etıp jür dep habarlaidy "Adyrna" ūlttyq portaly.
Şeteldık jūmys küşın tartuǧa berılgen rūqsattardyŋ ışınde mynadai sanattar bar: bırınşı sanat – 647 (basşylar jäne olardyŋ orynbasarlary), ekınşı sanat – 3 222 (qūrylymdyq bölımşelerdıŋ basşylary).
Tartylǧan şeteldık jūmys küşınıŋ negızgı bölıgı üşınşı (mamandar) jäne törtınşı (bılıktı jūmysşylar) sanattarǧa jatady, olardyŋ sany tiısınşe 7 746 adam jäne 718 adam. Sondai-aq mausymdyq jūmystarǧa – 1 769, al korporativtık auystyru şeŋberınde 1 957 adam tartylǧan.Qazırgı uaqytta Qazaqstanda şeteldık jūmys küşın paidalanatyn 1 739 jūmys beruşı bar. Olarda şamamen 458 myŋnan astam Qazaqstan azamattary jūmys ısteidı, būl jalpy jūmysşylar sanynyŋ — 97%-y.
Eŋbekşı migranttar şyǧatyn negızgı elder kelesı: Qytai – 4 068 adam, Türkiia – 2 069 adam, Özbekstan – 1 782 adam, Ündıstan – 1 212 adam, Ūlybritaniia – 1 047 adam.Esterıŋızge sala keteiık, ışkı eŋbek naryǧyn qorǧau maqsatynda, QR Eŋbek jäne halyqty äleumettık qorǧau ministrlıgı jyl saiyn elımızge şeteldık mamandardy tartuǧa arnalǧan kvota belgıleidı. 2021 jyly kvota mölşerı jūmys küşıne şaqqanda 0,31%-dy nemese 29,3 myŋ bırlıktı qūrady.
"Adyrna" ūlttyq portaly.
