Belgılı aqyn jäne qoǧam qairatkerı Oljas Süleimenov Qazaqstannyŋ Jambyl oblysynda asa qauıptı ştammdar qoimasy bar biologiialyq zerthananyŋ saluyna qarsylyq bıldırdı dep habrlaidy "Adyrna" ūlttyq portaly "QazTAG" agenttıgıne sılteme jasap.
"Bızdıŋ elımızde ǧylym esımdermen körınbeidı. Gumanitarlyq ǧylymdar da, tehnikalyq ǧylymdar da qazır "ünsız" qaldy. Äsırese, osy 30 jyldyqta olar müldem "ünsız". Öitkenı ǧylymǧa köŋıl audarylǧan joq. Negızınen ekonomikaǧa köbırek köŋıl bölınıp kettı. Bügın bır tanysym habarlasty. Ol Jambyl oblysynda Uhandaǧy siiaqty ortalyqty tez arada aşu kerek degen Ükımet qaulysy şyqqanyn aitady. Bızge jetpegenı osy edı. Osy künge deiın sol Jambyl oblysynda jaryluy mümkın närsenıŋ bärı jaryldy. Endı būǧan qosa biologiialyq zerthana saluymyz qalyp edı. Bızdıŋ qazaqtyŋ jalpy "tūzy jeŋıl" ǧoi. Mysaly, 1930 jyldary qazaq halqynyŋ 70%-y aştyqtan qyrylyp qalsa, qalǧan 30 paiyzyn endı osy Uhan infeksiiasymen joiyluymyz kerek.
Bızde mikrobiologtar joq! Olar qaidan keldı? Olar mūny basqa jerde jasasyn. Mıne, men osyǧan bailanysty hat daiyndap jatyrmyn. Būl hat ta "Nevada-Semei" qozǧalysy siiaqty bızdıŋ halqymyzdyŋ taǧy bır synaǧyn toqtatuǧa kömektesedı dep senemın", - dedı Oljas Süleimenov.
Sondai-aq qoǧam qairatkerı Almatydaǧy AQŞ-tyŋ qarjysyna salynǧan ortalyq referenttık zerthanaǧa qarsy şyqty.
"Būl zerthanalardyŋ barlyǧyn, qalasa, Amerikada saluǧa rūqsat. Bızde Qazaqstanda onsyz da qauıptı infeksiialar, aqaular, apattar jetkılıktı", - dep qosty ol.
Būǧan deiın aitylǧandai, Qazaqstannyŋ Jambyl oblysynda qazırgı uaqytta Ortalyq referenttık zerthanada jūmys ıstep jatqan virustardyŋ qauıptı ştammdarymen jūmys ısteuge mümkındık beretın qauıpsızdık deŋgeiı joǧary biologiialyq zerthana salu josparlanyp otyr.
"Adyrna" ūlttyq portaly
Ūqsas jaŋalyqtar
