Prezident Almaty qalasyna jūmys sapary aiasynda 1970 jyly özı bıtırgen Iliias Esenberlin atyndaǧy №25 mektep-gimnaziiasyna bardy, dep habarlaidy «Adyrna» tılşısı Aqordaǧa sılteme jasap.
Memleket basşysy mektep tarihyna arnalǧan muzeidıŋ ekspozisiiasymen tanysty. Onda oqu ordasynyŋ ötkenı turaly türlı arhiv qūjattary, belgılı tülekterdıŋ ömırbaiandary men fotosuretterı jinaqtalǧan.
Sodan keiın Prezident mektep kıtaphanasyndaǧy Qūrmettı qonaqtar kıtabyna qoltaŋba qaldyrdy.
Qasym-Jomart Toqaevqa 1970 jyly 10 «V» synybynyŋ atynan özı jazǧan hat körsetıldı. Būl hat uaqyt kapsulasyna salynyp, mektep qabyrǧasyna qalanǧan eken.
«Bızdıŋ atqarǧan ısımız az emes, degenmen älı de jūmys köp. Bız 10-synypty jaqsy bıtıruge uäde beremız. İnstitutqa tüsu emtihandaryn jaqsy tapsyruǧa uäde beremız. Al ony bıtırgen soŋ jūmys ısteimız. 2017 jyly 64-65 jasqa tolǧan kezımızde sızderdıŋ közderıŋızge tık qarauǧa ūialmaityndai bolyp keluge uäde beremız», – dep jazylǧan hatta.Dästürdı jalǧastyrǧan 11-synyp oquşylary Memleket basşysymen bırge 2050 jylǧa arnalǧan hatty uaqyt kapsulasyna salyp, mektep qabyrǧasyna qoidy.
«Adyrna» ūlttyq portaly
