Şymkent qalasynda «Eŋbek» baǧdarlamasynyŋ üşınşı baǧyty – jastar praktikasy azamattardyŋ jūmys tabuyna septıgın tigızude. Jastar praktikasy tülekterdıŋ meŋgergen mamandyǧy boiynşa bastapqy jūmys täjıribesın alu maqsatynda ūiymdastyrylǧan.
Bolat Şahizada – osy baǧdarlama arqyly Qaratau audanynyŋ äkımı apparatyna joldama alǧandardyŋ bırı. Ol biyl Orta Aziialyq innovasiialyq universitetı medisinalyq kolledjın «Memlekettık jäne jergılıktı basqaru» mamandyǧy boiynşa bıtırıp, jūmyspen qamtu ortalyǧynda jūmyssyz retınde tırkeldı. Tamyz aiynan bastap ol öz mamandyǧy boiynşa Esep-qisap bölımınde jūmys ısteude.
– Oqudy bıtırgen soŋ jūmyspen qamtu ortalyǧynyŋ äleumettık jelıdegı paraqşasynda baǧdarlama arqyly jūmysqa şaqyru jönınde habarlandyrudy körıp, osyndaǧy mamandardyŋ kömegıne jügındım. Ortalyq mamandary maǧan bırneşe jūmys ornyn ūsyndy. Men Qaratau audanynyŋ äkımı apparatynda jūmys jasaudy taŋdadym. Uaqytşa bolsa da jūmysqa ornalasqanyma quanyştymyn, – deidı 21 jasar baǧdarlama qatysuşysy.
Biyl qalalyq jūmyspen qamtu ortalyǧy tarapynan 2500 jasty atalǧan baǧdarlama aiasynda jūmyspen qamtu josparlanǧan. Bügıngı taŋda 2575 azamat uaqytşa jūmysqa ornalasty. Iаǧni, jospar 103 paiyzǧa oryndaldy.
Baǧdarlama talabyna sai, qatysuşynyŋ jasy 29-dan aspauy tiıs jäne «jūmyssyz» märtebesı boluy kerek. Jäne soŋǧy üş jyl ışınde (2019-2021j.) joǧary oqu oryndary men kolledjerdıŋ tülekterı bır-aq ret qatysa alady.
Jalpy byltyr 3 myŋǧa juyq jas atalǧan baǧdarlamamen jūmyspen qamtylyp, onyŋ 536-sy tūraqty jūmysqa ornalasty.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz