AQSh-tyń barlaý qaýymdastyǵy Qytaı Abý-Dabı mańyndaǵy port aýmaǵynda jasyryn túrde áskerı nysan salǵanyn aıtty. Bul týraly THT Wall Street Journal jazdy, dep habarlaıdy «Adyrna» tilshisi.
Alǵash ret BAÁ astanasy mańyndaǵy kúdikti áreketter týraly aqparat shamamen bir jyl buryn BAQ-ta jarııalandy. Sodan keıin shyqqan derekter senimdi emes dep sanaldy, biraq 2021 jyldyń kókteminde túsirilgen spýtnıktik sýretter amerıkalyq bılikti Qytaı portta áskerı qondyrǵy salyp jatyr dep sendirdi.
Djo Baıden ákimshiligi BAÁ bıligine Qytaıdyń elde áskerı qatysýy eki memleket arasyndaǵy baılanysqa qaýip tóndirýi múmkin ekenin eskertti.
«Taıaý Shyǵys Amerıka-Qytaı básekelestiginiń negizgi alańyna aınalýda. Sonymen qatar BAÁ osy aımaqtaǵy Amerıka Qurama Shtattary úshin negizgi seriktesterdiń biri bolyp esepteledi. Sońǵy ýaqytta Qytaı BAÁ-men ekonomıkalyq baılanystaryn nyǵaıtty. Munyń bári Qytaıdyń elge basyp kirýin AQSh múddeleri úshin odan da qaýipti etedi»,– dep jazady basylym.
16 qazanda brıtandyq Financial Times gazeti Beıjiń tamyz aıynda Iadrolyq qarýdy alyp júretin Jańa gıpersonııalyq zymyrandy synap kórdi dep málimdedi. Osydan keıin Baıden bul máselege alańdaýshylyq bildirdi. Óz kezeginde QHR SIM resmı ókili Chjao Lızıan tamyz aıynda Úkimet ǵarysh apparattaryn synaqtan ótkizgenin aıtty.
«Adyrna» ulttyq portaly
