Prezident Qasym-Jomart Toqaev «Halyq bırlıgı jäne jüielı reformalar – el örkendeuınıŋ berık negızı» atty Joldauynda «Qarapaiym zattar ekonomikasy» baǧdarlamalarynyŋ merzımın 2022 jylǧa deiın sozu turaly şeşım qabyldady.
Qarapaiym zattar ekonomikasyn damytu – būl ışkı naryqty otandyq tauarlarmen tolyqtyru, bäsekege qabılettı öndırıster qūru. Eŋ bastysy importty otandyq äleumettık maŋyzy bar azyq-tülık tauarlarymen almastyru.
Qala äkımınıŋ orynbasary Aibek Sattybaev Şymkent qalasynda «Qarapaiym zattar ekonomikasy» baǧdarlamasy boiynşa jalpy somasy 50,6 mlrd teŋge bolatyn 65 joba qarjylandyrylǧanyn aitty. Osynyŋ nätijesınde myŋnan asa jūmys orny aşylǧan.
Onyŋ aituynşa, qalada biylǧy jyly atalǧan baǧdarlama boiynşa 80 jobanyŋ bank nesielerın subsidiialau jäne 20 jobany kepıldendıru josparlanyp, būl maqsatqa 83,4 mlrd. teŋge qarjy qaralǧan. Baǧdarlamaǧa qatysuǧa 84 käsıporyn ötınım bıldırgen. Onyŋ ışınde bügınde 65 joba qarjylandyrylsa, qazır ekınşı deŋgeidegı bankterde 4,2 mlrd teŋge somasyndaǧy taǧy bes joba qarastyryluda.
Qala äkımınıŋ orynbasary Aibek Sattybaev Şymkent qalasy «Qarapaiym zattar ekonomikasy» baǧdarlamasy aiasynda jobalardy subsidiialau boiynşa Almatydan keiın ekınşı orynda ekenın aitty.
Sonymen bırge ol ekı ai būryn osy baǧdarlamaǧa tüzetuler engızılıp, onda qoldauǧa jatatyn basym qyzmet türlerı men tauarlardy keŋeitu, lizingtık kompaniialardy baǧdarlama operatorlary retınde qosu közdelgenın aityp öttı.
Baǧdarlamanyŋ arqasynda 2025 jylǧa qarai kreditteletın tauarlar boiynşa import ülesı 59 paiyzdan 37 paiyzǧa deiın tömendep, 16 myŋǧa juyq jūmys orny qūrylady dep kütılude.
Şymkent qalasy äkımdıgınıŋ baspasöz qyzmetı
