Úndistanda teplovoz relsten shyǵyp ketti

3326
Adyrna.kz Telegram

Úndistanda 20 qarasha kúni tańerteń temirjoldaǵy jarylys saldarynan teplovoz relsten shyǵyp ketti, dep habarlaıdy "Adyrna" ulttyq portaly. 

TASS agenttiginiń habarlaýynsha, oqıǵa senbi kúni tańerteń Dhanbad aýdanynda bolǵan.

Úndistan temir joly shahtanyń jarylys oryn aldy dep málimdedi. Saldarynan temir jolǵa da zaqym kelgen. Ázirge zardap shekkender týraly málimet joq.

Temirjol basshylyǵynyń aıtýynsha, oqıǵaǵa maoshyl sodyrlarynyń qatysy bolýy múmkin.

Úndistanda kóbinese naksalıtter dep atalatyn maoshylar maoızm men marksızm-lenınızmniń ózindik nusqasyn nasıhattaıdy jáne qazirgi ýaqytta Úndistannyń 28 shtatynyń 14-inde belsendi. Naksalıtter kedeı sharýalardy «kapıtalıstik ezgiden» bosatýdy kózdeıtinin málimdep, kóbinese jergilikti halyqtyń qoldaýyna ıe bolady.

"Adyrna" ulttyq portaly

Pikirler