Şymkentte tört audan boiynşa mobildı toptardyŋ jūmysy qorytyndylandy

Şymkentte 4 audan äkımderı monitoringtık toptardyŋ karantin kezındegı jūmystary turaly aitty. Audan basşylarynyŋ sözınşe, qalada toilar az ötkızıle bastaǧan, bıraq talaptardy būzyp jatqandar da azaimai tūr.

Sonymen qatar, öz mekemesınde künıne bırneşe ret mereke ötkızetın tärtıp būzuşylar da bar. Olarǧa aiyppūl ǧana emes, jūmysyna da şekteu qoiylady. Monitoring top kenetten paida bolyp, nätijesınde hattama men aiyppūl salyndy. Karantindık talapty būzyp jatqandar az emes. Şymkent qalasynyŋ köptegen tūrǧyndary şekteu şaralaryna qaramastan saqtyq şaralaryn müldem ūmytyp jatady. Abai audanynyŋ äkımı monitoring toptar küşeitılgen rejimde jūmys ıstep jatyr deidı. Endı tekseru tobynda ötken jylǧydai 6 emes, 10 top jüretın bolady. Köbınese karantin rejimın būzuşylar saltanatty merekeler ötkızgender. Saldarynan qanşama adamdar auruhanaǧa tüsıp jatyr. Būharbai Parmanov, Abai audanynyŋ äkımı: «Abai audanynda käsıpkerlerdıŋ karantindı būzuynyŋ bes jüzden astam jaǧdaiy anyqtaldy, onyŋ ışınde 29 mln. teŋgege aiyppūl tölendı. Bırınşı şıldeden bastap 28 şıldege deiın karantindık şaralar küşeitıldı jäne qazır 6 emes 10 mobildı top jūmys ısteidı. Osy kezeŋde 109 būzuşylyq anyqtalyp, sot şeşımımen aiyppūl salyndy». Al Äl-Farabi audanynda monitoringtık toptardyŋ müşelerı adamdar köp jinalatyn oryndardy anyqtap, sodan soŋ tekseruşılerdı şaqyrady. Raşid Myŋbaev, Äl-Farabi audanynyŋ äkımı: «1 şıldeden bastap aiyppūl somasy 30 mln. teŋgenı qūrady, tört jüzden astam būzuşylyq oryn aldy. Būl toi, türlı merekeler jäne basqa da zaŋ būzuşylyqtar. Bızde būzuşylyqtar turaly esep beretın arnaiy qyzmetkerler bar jäne bız dereu sol jerge baramyz». Eŋbekşı audanynda zaŋbūzuşylyqtar azaiypty. Audan äkımınıŋ mälımetınşe, bır aida jüzden astam zaŋbūzuşylyq anyqtalǧan. Al Qaratau audanynyŋ äkımı jūrt adamdar şoǧyrlanǧan jerge barudyŋ qaupın endı tüsıne bastaǧanyn alǧa tartty. Abzal Älıqūlov, Qaratau audanynyŋ äkımı: «Toi jasap, köp adamnyŋ basyn qosu – zaŋbūzuşylyqtyŋ eŋ basty türı bolyp tūr. Kafe men dükenderde ondai jūrtşylyq joq. Qazır tarap jatqan virustyŋ jaŋa ştamy eŋ qauıptı bolyp sanalady. Ol 8 saǧattyŋ ışınde 8 adamǧa jūǧady. Sondyqtan, halyqtan adam köp jinalatyn orynǧa barmauyn sūraimyn». Aita ketsek, ekınşı tamyzdan bastap elımızdıŋ bes qalasynda, atap aitqanda: Nūr-Sūltan, Almaty, Şymkent, Qaraǧandy jäne Atyrauda Ashyq jobasyna qatyspaityn barlyq mekeme qyzmetın toqtatatyn bolady.