Şymkenttık erıktıler tazalyq jūmystaryn jürgızdı

Şymkentte bügın 200-ge juyq erıktı «Jasyl el» jäne «Studenttık qūrylys jasaqtary» baǧdarlamasy boiynşa tazalyq jūmystaryna atsalysty. Atalmyş joba Abai audany äkımınıŋ apparaty men «Jastar resurstyq ortalyǧy» mekemesınıŋ bastasymen qolǧa alyndy.

Şara 8 şaǧynaudanynda ornalasqan otbasylyq alleia aumaǧynda ötkızıldı. Basty maqsat – jastardyŋ ekologiialyq bılımın arttyru jäne qorşaǧan ortanyŋ lastanuyna jol bermeu. Şymkentte 200-ge juyq erıktı tazalyq jūmystaryn jürgızdı. Maqsat – ainalany qoqystan tazartyp, jastardy salauatty ömır salty men eŋbekke baulu. Abai audanynyŋ äkımı de osy ıs-şaranyŋ basy-qasynda jürdı. Onyŋ sözınşe, tūrǧyndar öz aulasynyŋ tazalyǧyna özı jauapty boluy kerek. Äkımşılıkke bar mındettı jüktep qoimai, qalanyŋ körkeiuıne jūrtşylyq ta atsalysu qajet dep sanaidy. Būharbai Parmanov, Abai audanynyŋ äkımı: «Bız barynşa mekemelermen tazalyq jūmystaryn jürgızıp jatyrmyz. Bıraq bızdıŋ tūrǧyndarymyz da būǧan atsalysuy kerek. Tek qana äkımşılık azamattary keledı, solardyŋ mındetı, solar tazalau kerek desek, köp qatelesemız. Körıp jatqan jastarymyz da soǧan üirenedı. Bız barynşa özımızdıŋ aulamyzdy özımız tazalaityn bolsaq, otyrǧan jerımızdı özımız retke keltırsek, ol ülken dünie». Ūiymdastyruşylardyŋ sözınşe, mūndai senbılık qalada aptasyna 3 ret ötkızılıp tūrady. Köptegen erıktı atalmyş şaraǧa alǧaş ret qatysyp tūr eken. Olar qalany tazartuǧa üles qosyp qana qoimai, özderıne jaŋa dos tauyp jatqanyn aitady. Arujan Saǧynai, erıktı: «Bız osy qala ışınde qoqystardy jinaumen ainalysyp jatyrmyz. Ol özımızdıŋ densaulyǧymyzǧa da paidaly. Osy qalamyzdyŋ ädemılıgıne qatysy bar. Özıme osy jerden jaqsy dostar taptym. Barlyqtary özımızben jasty. Barlyǧymyz atsalysyp, jinap jatyrmyz». Tazalyq jūmystary 2 aiǧa jalǧasatyn bolady. Oǧan 16-29 jas aralyǧyndaǧy belsendı jastar men erıktıler jūmyldyrylmaq. Sonymen qatar, belsene qatysqan jastarǧa jyl qorytyndysy boiynşa arnaiy syilyqtar tabystau josparlanuda.