Şymkentte 10 jyl boiy bala süie almaǧan otbasynda üşem düniege keldı

Üşem Şymkent qalalyq perinataldyq ortalyqta ömırge keldı. Qala tūrǧyny Meldeşova Janna jüktılıktıŋ 34-aptasynda Aiym, Rahat, Aiala, esımdı säbilerdı düniege äkeldı. Şaqalaqtar 28 şılde künı tuǧan. Anasy men balalardyŋ qazırgı densaulyǧy jaqsy. Üşemnıŋ anasy tūŋǧyşyn 2010 jyly tuǧan. Sol uaqyttan berı densaulyǧy syr berıp, jüktı boludy ūzaq jyldar boiy josparlap jürıptı. Osylaişa erlı-zaiyptylardyŋ on jyldan berı bala süigısı kelgen armandary oryndalyp, bırden üş perzenttı düniege äkeldı. Merzımınen būryn tolǧaǧy bastalǧan jüktı kelınşek pen üş şaqalaqtyŋ ömırın aman alyp qalu üşın därıgerler kesar tılıgın jasap, operasiia arqyly sättı bosandyryp aldy. Düniege ekı qyz, bır ūl bala keldı. Barlyǧynyŋ da salmaǧy ekı kelıden asady deidı mamandar. Üşemderge perinataldyq ortalyqtyŋ neonatologtary erekşe kütım jasady. Bılıktı medisina mamandarynyŋ qarauynda bolǧan şaqalaqtardyŋ bır apta ışınde densaulyqtary oŋalyp, anasymen bırge üiıne şyǧaryldy. Aita keteiık, jyl basynan berı qalada 19 797 säbi dünie esıgın aşqan. Olardyŋ 135-ı egız bolsa, törteuı üşem.0 berı bala süie almai jürgen şymkenttık kelınşek üşem bosandy.