Şymkentte internet sapasy tömen 30 tūrǧyn alapqa optika tartu jūmystary jürgızılude

Būl turaly bügın qala äkımı Mūrat Äitenovke «Siflyq Qazaqstan» memlekettık baǧadarlamasy aiasynda atqarylyp jatqan jūmystar jaiyn baiandaǧan sifrlandyru basqarmasynyŋ basşysy Ä.Äbdırahanov mälım ettı.

Onyŋ aituynşa, «Digital Elements» JŞS tarapynan qala aumaǧyndaǧy Nūrtas, Tassai, Tasken, Pahtakor şaǧyn audandaryndaǧy 4 köşege, iaǧni 400 üige kabel jürgızılıp, bügınde internetke qosylǧan. Al, «I-LinkNet» JŞS tarapynan Aqjaiyq şaǧyn audanyna talşyqty optika jelısı tolyq jürgızılıp, 4000-ǧa juyq üige talşyqty optika jelısı tartylǧan. Onyŋ ışınde 250 den astam üi ötınış beru arqyly joǧarǧy jyldamdyqty sapaly internetke qosylypty. «Bügıngı taŋda, Dostyq şaǧyn audanyna kabel jürgızu jūmystary jürgızılude, aldaǧy künderı ıske qosylyp, şaǧyn audan tolyqqandy talşyq-optikalyq internetpen qamtylatyn bolady. Sonymen qatar, jeke investor esebınen 2021-2023 jyldary şalǧai ornalasqan eldı mekenderdı sapaly internetpen qamtuǧa 1 mlrd. teŋge qarjy qarastyryldy. Nätijesınde 80 000 üi sapaly internet jelısımen qamtylatyn bolady»,-dedı basqarma basşysy. 2020-jyldan bastap Şymkent qalasyn sapaly internetpen qamtamasyz etu maqsatynda auqymdy jūmystar atqarylyp, jūmystar üş kezeŋge bölındı. Alǧaşqy kezeŋ boiynşa bügıngı künge qaladaǧy şaǧyn audandar men tūrǧyn alaptar aumaǧyna 11 bazalyq stansiia ornatyldy. 2021 jyly qala aumaǧyn sapaly internetpen qamtamasyz etudıŋ 2-kezeŋınde 14 jerdıŋ koordinatatalary mobildı bailanys operatorlarymen kelısıldı. Onyŋ 8 nüktesı jeke investor esebınen, 6 nüktesı äkımdıkpen mobildı bailanys operatorlorymen bırlese jeke nysan ielerımen tıkelei kelısuı arqyly ıske asyrylady. Segız jer telımınıŋ ekeuıne (Tassai men Yntymaq şaǧyn audandary) antenna-matchtalyq qūrylǧy ornatylyp, elektr energiiasyna jalǧau jūmystary bastaldy. Qalǧan 6 nükte boiynşa investor tarapy jer qazu jūmystaryn jürgızude. Jeke nysan ielerımen kelısu közdelgen 6 nüktenıŋ 2-ne (Abdulabad, Zabadam) bazalyq stansiialar ornatylyp, elektr energiiasyn tartu jūmystary bastaldy. Qalǧan 4 jer telımı boiynşa kommersiialyq nysan ielerımen kelısılıp, montajdau jūmystary bastaldy.