Şymkenttık «Şapaǧat» ortalyǧynda 200-den astam mümkındıgı şekteulı azamat oŋaltu şaralarymen qamtylǧan

Şymkent qalasynyŋ «Şapaǧat» arnauly äleumettık qyzmetter körsetu ortalyǧy mümkındıgı şekteulı azamattardyŋ äleumettık märtebesın qalpyna keltıruge, äleumettık-tūrmystyq ortaǧa beiımdeluıne, densaulyǧyn oŋaltuǧa baǧyttalǧan şaralardy jüzege asyrady.

Osyǧan orai, qalalyq jūmyspen qamtu jäne äleumettık qorǧau basqarmasynyŋ basşysy Balmarjan Narbekova atalǧan ortalyqtyŋ jūmys barysymen tanysyp, qyzmet aluşylarmen kezdestı. Jyl basynan berı «Şapaǧat» oŋaltu ortalyǧynda 8 auysym boiynşa jalpy 263 qyzmet aluşyǧa arnauly äleumettık qyzmet türlerı körsetıldı. Ortalyqta 18 jastan asqan tırek-qimyl jüiesı būzylǧan I jäne II toptaǧy mügedekter negızgı jetı türlı baǧytta äleumettık qyzmet türlerımen qamtylǧan. Şymkent qalasy boiynşa 43 avtomatty «Äleumettık taksi» I,II toptaǧy jäne 16 jasqa deiın tırek-qimyl apparaty būzylǧan mümkındıgı şekteulı jandarǧa, 18 «İnvataksi» qyzmetı arnauly jabdyqtalǧan qol arbadaǧy mügedektıgı bar azamattardy tasymaldaidy. Sonymen qatar, biyl mügedektıgı bar azamattarǧa Äleumettık qyzmetter portaly arqyly qajettı qūraldar men qyzmetterge tapsyrys beruı ıske qosyldy. Iаǧni, erekşe toptaǧy azamattar qajettı qūraldar men qyzmetterdı özınıŋ elektrondyq qoltaŋbasyn (ESQ) paidalana otyryp, äleumettık qyzmetter portaly arqyly tapsyrys beruge qol jetkızılude.