Oŋtüstık mektepterınıŋ 100 paiyzy «Aşyq» jüiesıne qosyldy

Türkıstan oblysyndaǧy mektepterdıŋ 100 paiyzy «Aşyq» qosymşasymen jūmys ısteidı. Osylai degen oblys äkımınıŋ orynbasary Säken Qalqamanov bılım ūialary 1 qyrküiekten bastap dästürlı formatqa, iaǧni oflain därıske köşetını turaly aitty.

Alaida, küngei öŋırdegı internettıŋ älsızdıgı aşyq jüiesıne kedergı keltıruı mümkın ekenın jasyrmady. Al, mūndai jaǧdaida mektepke vaksina pasportyn körsetu arqyly kıruge bolady deidı. Säken Qalqamanov, Türkıstan oblysy äkımınıŋ orynbasary: «Bızde 56 paiyz Türkıstan oblysynda internetpen qamtamasyz etılmegen, älsız. Ondai jerlerde dästürlı türde vaksinasiiasymen pasportty qarap sanitarlyq normaǧa säikes kırgıze beremız balalardy. Negızı bylttyr da bız 180 mekteptı dästürlı türde oqytqanbyz. Sol küiınde solai oqyta beremız». Qazırgı taŋda oblys boiynşa 78 mekteptıŋ qūrylysy jürgızılıp jatyr. Ärı biyl öŋırdegı 2 apatty jäne bır üş auysymdy bılım ūialarynyŋ mäselesı şeşımın tabady. Qalǧan 7 apatty jäne üş auysymdy mektep qūrylysy 2023 jylǧa josparlanyp otyr deidı sala jauaptylary. Sondai-aq biyl bırıŋǧai mektep formasy qajet emes ekendıgın atap ötken oblys äkımınıŋ orynbasary oquşynyŋ kiımı klassikalyq ülgıde boluy şart ekenın eskerttı. Säken Qalqamanov, Türkıstan oblysy äkımınıŋ orynbasary: «Balalar klassikalyq türde mektepke baruy kerek. Ol degenımız ne? Şalbar, djinsy emes. Sporttyq şalbarlar emes. Klassikalyq qara nemese kök şalbar jäne aq köilek. Üstıne kostium kiiuı mındettı emes. Bıraq, qara nemese kök rubaşka nemese sviter siiaqty kiım kiıp kelu kerek. Mynau qyzdardyŋ körınısı. Astynda iubka nemese şalbar. Aq köilek, bluzka kofta. Eşqandai oramal, eşqandai hidjab degen bolmaidy. Ol klassikalyq forma emes». Aita keteiık, balalar qauıpsızdıgın küşeitu maqsatynda oblystaǧy 400 mektepke tolyǧymen beinebaqylau ornatylypty. Endı bılım ūialaryndaǧy qauıpsızdık tıkelei tärtıp saqşylarynyŋ baqylauynda bolady.