Şymkentte 15 qyrküiekte emhanaǧa tırkeu nauqany bastalady

15 qyrküiekten bastap Qazaqstanda medisinalyq ūiymdarǧa tırkeu nauqany bastalady. Şara qaraşanyŋ 15-ıne deiın jalǧasady. Biyl şetel azamattary men eŋbek migranttary üşın emhanaǧa tırkeu erejesı özgerdı. Tamyzdyŋ 15-ınen bastap atalǧan sanattaǧy azamattarda erıktı medisinalyq saqtandyru kelısım şarty boluy mındettelgen. Jaŋa erejelerge säikes, elımızge uaqytşa kelgen azamattyǧy joq şetel azamattary nemese pana ızdeuşılerdı emhanalarǧa tırkeu erıktı medisinalyq saqtandyru kelısım şarty negızınde jürgızıledı. Medisinalyq kömek qūjattaǧy belgılengen merzımde körsetılıp, ol aiaqtalǧanda azamat tırkeuden şyǧarylady. «EAEQ müşe memleketterınen kelgen eŋbek bosqyndaryna da alǧaşqy medisinalyq kömek qyzmetın alu üşın erıktı medisinalyq saqtandyru qajet. Emhanaǧa tırkelu üşın aryz ben jeke kuälıgı nemese şetel tölqūjaty ūsynylady. Medisinalyq mekemege aryz beruşı özı ne erıktı medisinalyq saqtandyru boiynşa kelısımşartqa tūrǧan saqtandyru ūiymynyŋ ökılı bere alady»,  deidı «Äleumettık medisinalyq saqtandyru qory » KEAQ Şymkent qalasy boiynşa filialynyŋ direktory Säbit Qūralbek. Medisinalyq saqtandyru jüiesı boiynşa Şymkentte alǧaşqy medisianlyq kömektı 41 medisinalyq ūiymda körsetıledı. Olardyŋ 14-ı memlekettık emhanalar bolsa, qalǧandary jekemenşık. №1 qalalyq emhanasyna äleumettık medisinalyq saqtandyru jüiesı boiynşa şetel azamattary därıgerler kömegıne jügınbegen jäne emhanaǧa tırkeluge şaǧym tüsırmegen. Aita ketetın jäit kepıldı medisinalyq kömek alu üşın elımızde 15 qyrküiekten bastap erıktı türde medisinalyq ūiymdarǧa tırkelu nauqany bastalady. Qazır halyq arasynda tüsındru jūmystary jürgızılude. Zeinetker Liudmila Jukova özımnıŋ üirengen emhanamda qaita tırkelemın dep otyr. Öitkenı köp jyldardan berı osynda tegın medisinalyq kömektı alyp kelemın deidı qala tūrǧyny. Emhanaǧa tırkelemın deseŋızder Elektrondyq Ükımet veb-portaly arqyly «Densaulyq» bölıgıne kırıp, «Alǧaşqy medikalyq-sanitarlyq kömek körsetetın medisinalyq ūiymǧa tırkeu» qyzmetın taŋdaisyz. Ondaǧy bettı toltyryp medisinalyq ūiymǧa aryz beresız. Pasientter turaly mälımetterdı emhanalar memlekettık aqparattyq jüieden avtomatty türde alady. Tırkelgenı jaily habarlama azamatqa medisinalyq ūiymnyŋ elektrondyq qoltaŋbasy qoiylǧan elektrondyq qūjat retınde berıledı.