Oŋtüstıktık qambaǧa 1 mln. tonna bidai jinaldy

Qazaqstandyq diqandar qambaǧa bır million tonna bidai jinady. Elde 960 myŋ gektardan astam egıs alqaby orylyp bıttı.

Jiyn-terım 6 öŋırde jürıp jatyr. Onyŋ ışınde jambyldyq şarualar nauqandy aiaqtauǧa jaqyn. Mūnda bidai alqabynyŋ 96%-ı igerıldı. Batys Qazaqstan oblysynda da egıstıktıŋ 71%-ı jinaldy. Sondai-aq Türkıstan, Qyzylorda, Almaty jäne Şyǧys qazaqstan oblystarynda da bidaiǧa oraq tüsken. Auylşaruşylyq ministrlıgı biyl bidai byltyrǧydan 20%-ke az bolady degen boljam jasady. Egın jinau nauqany Qazaqstan ǧana emes, älemnıŋ bırneşe elderınde jürıp jatyr. Dese de, birjada bidai baǧasy tüser emes. Fiuchersterı joǧary qarai baǧyt alǧan. Sarapşylardyŋ aituynşa, däl qazır ūsynys köp, sūranys azdau bolyp tūr. Sonyŋ özınde baǧa tömender emes.