Şymkent äkımınıŋ orynbasary bırqatar nysandardy aralady

Şymkent qalasy äkımı orynbasary BAQ ökılderımen bırge qaladaǧy bırqatar nysandardy aralady. Sonymen qatar, Maqsūt İsahov jastardyŋ sport seksiiasyna jappai jazylyp jatqanyn aitty. Eŋ bastysy, baspasöz tury barysynda D. Qonaev-T. Rysqūlov köşesı qiylysyndaǧy jolairyqtyŋ qazan aiynda aiaqtalatyn atap öttı. D. Qonaev daŋǧyly qūrylysynyŋ 3-kezeŋı bügıngı taŋda qarqyndy jürude. Şymkent äkımınıŋ orynbasary Maqsūt İsahov jūmysşylardyŋ qauıpsızdıgı men qūrylystyŋ sapasy basty nazarda ekenın jetkızdı. Mūnda qazır memleket mūqtajyna alynǧan üilerdı süru syndy jūmystar jürgızılude. Maqsūt İsahov, Şyment qalasy äkımınıŋ orynbasary: «100-den astam üilerdı, biznes obektılerdı, nysandardy satyp alu kerek. Qazırgı taŋda sol satyp alu jūmystary qarqyndy jürıp jatyr. Jaŋa kördıŋızder ǧoi, «Abai» degen magazindı būzyp jatyrmyz, «Jıbek Joly» degen magazindı būzyp jatyrmyz. Taǧy 1-2 mai qūiu beketterın satyp alu kerek. Temır joldyŋ arǧy betıne keletın bolsaq, osy temırjoldy astymen ötıp ketedı bolaşaqta. Mıne, üstımen köpırjol salyp jatyrmyz, myna köpır salynǧannan keiın myna temırjol alynady. Mynau uaqytşa temırjol». Qonaev-Rysqūlov köşesı qiylysyndaǧy jolaiyryqtyŋ qūrylys jūmystarymen jurnalisterdı tanystyrǧan qala äkımınıŋ orynbasary nysandy aǧymdaǧy jyldyŋ qazan aiynda tapsyru josparlanyp otyr. Maqsūt İsahov, Şymkent qalasy äkımınıŋ orynbasary: «Tyrysyp jatyrmyz beremız qazan aiynda, Alla qalasa. Būl jerde kedergı sol bolǧan mai qūiu beketı. Ol mäsele şeşıldı. Odan keiıngı mynau qymbattau mäselesı bolǧan. Ony da myna kezeŋ-kezeŋımen şeşıp kele jatyrmyz. Bıraq sol aitylǧan uaqytta bıtıruge tyrysamyz. Basqa kedergı joq». Maqsūt İsahov sodan soŋ memlekettık tapsyryspen jan basyna qarjylandyru jobasyna qamtylǧan bırqatar jekemenşık sporttyq nysandarǧa bardy. Sonyŋ bırı fitnes ortalyǧy. Mūnda 4 pen 18 jas aralyǧyndaǧy balalardy qabyldaidy. Rasul Egemberdiev, jattyǧu zalynyŋ direktory: «Ata-anadan 12 myŋ teŋge alatyn edık, qazır ony memleket tölep jatyr. Bızge memleket tölegen jaqsy. Ne üşın degende, jaǧdaiy joqtar osy jerge kep qatysa alady tegın. Olarǧa ökımet töleidı». Tūrǧyndardyŋ mazasyn alyp jürgen mäselenıŋ bırı – internet jelısı. Būl sala da Maqsūt İsahov jetekşılık etetın salalardyŋ bırı. Qaratau audanyna qarasty 4 myŋnan astam üiı bar «Aqjaiyq» şaǧynaudan halqy internet jelısıne qatysty mäselenı köpten berı aityp keledı. Qazırgı taŋda 400 şaqyrymdyq abonenttık kabel tartylypty. Onda ötınış qaldyrǧan 500-den astam otbasy joǧarǧy jyldamdyqty sapaly internetke qol jetkızıp otyr. Äset Äbdırahmanov, Şymkent qalalyq sifrlandyru basqarmasynyŋ basşysy: «Qazırgı taŋda mynau «i-LinkNet» kompaniiasy «Aqjaiyq» möltek audanynan bastady. Sonymen qatar, «Dostyqty» 100 paiyz qamtyp qoidy. Jalpy 650 km. Būl jerde 35 myŋ halyq tūrady. 1991 jyldan berı sapaly internet bolmaǧan. Qazır mıne jürgızıp jatyrmyz». Aita keteiık, biyl Şymkentte 300 şaqyrymnan asa joldy jöndeuden ötkızu josparlanyp otyr. Al byltyr būl körsetkış 400 şaqyrym joldy qūraǧan. Aqjaǧalylar uaqyttyŋ tyǧyz ekenın aitady. Bıraq der kezınde aiaqtaimyz dep sendırıp otyr. Al sapa – basty nazarda bolady deidı.