Almaty oblysy, Eŋbekşıqazaq audanynda Nūra degen yntymaǧy ūiyǧan auyl bar. Qūlja tūrassasynyŋ boiyndaǧy osy auyldyŋ ırgetasyn qalap, keregesın keŋeitken —Esbergenūly Saǧynyş degen kısı. Taqyr jerden tau tūrǧyzbasa da, baqşa, bauǧa toly auyl salǧan qairatker. Artyna öşpes ız qaldyryp, önegelı ömır sürgen Saǧynyş Esbergenūlynyŋ esımın auyldastary qaşanda qūrmetteidı. Saǧynyş Esbergenūlynyŋ atynda qazaq küresınen jyl saiyn dästürlı turnir ötedı. Jetkınşek baluandardyŋ qyzyqqa toly oblystyq aşyq turnirı biyl da jalauyn jelbırettı.
2009-2012 jyly tuǧan jasöspırımder arasyndaǧy turnirge elımızdıŋ är aimaǧynan talapty da, talantty baluan balalar qatysty.
Qazaq küresı bekzada sport. Basqa küres türlerıne qaraǧanda artyqşylyǧy basym. Nūra auylyndaǧy turnirde baldyrǧan baluandar qazaq küresınıŋ keremet ädıs, täsılderın paş etıp, jarysty tamaşalauǧa jinalǧan köpşılıktı täntı ettı.
2009-2012 jyly tuǧan jasöspırımder arasyndaǧy turnirge elımızdıŋ är aimaǧynan talapty da, talantty baluan balalar qatysty.
- Mūndai jarystardyŋ köbırek ūiymdastyrylǧany jetkınşekterdıŋ şyŋdaluyna orasan mümkındık beredı. Kezınde özımız de osy turnirge qatysyp, qanattandyq. Jarysqa jan-jaqtan jinalǧan baluandardyŋ beldesuın körıp köŋılımız östı. Qazaq küresınıŋ qanat jaiyp, keŋınen taraluyna osyndai jarystardy jiı ötkızudıŋ tigızer septıgı mol, - deidı turnirdı ūiymdastyru alqasynyŋ töraǧasy, Şelek auylyndaǧy №2 balalar men jasöspırımder sport mektebınıŋ direktory, kikboksingten älem kubogynyŋ iegerı Elmūrat Qaiypjanov.
Qazaq küresı bekzada sport. Basqa küres türlerıne qaraǧanda artyqşylyǧy basym. Nūra auylyndaǧy turnirde baldyrǧan baluandar qazaq küresınıŋ keremet ädıs, täsılderın paş etıp, jarysty tamaşalauǧa jinalǧan köpşılıktı täntı ettı.
- Almaty oblysynyŋ Qūrmettı azamaty Saǧynyş Esbergenūlynyŋ esımın ardaqtau maqsatyndaǧy dästürlı turnir keler jyly da jalǧasyn tabady, - deidı ūiymdastyruşylar.Oblystyŋ aşyq bırınşılıgınde top jaryp jeŋıske jetken baluandarǧa S. Esbergenovtyŋ balalary, nemerelerınıŋ arnaiy tapsyryspen jasatqan medal, diplom, baǧaly syilyqtary berıldı.
Quanyş Esımbai,
Foto Serjan Jirenbaev,
Eŋbekşıqazaq audany,
Nūra auyly.
