Otandyq tanymal aktrısa Juldyz Ábdikárimova jelide ózine jáne otbasyna qatysty jaǵymsyz pikirler jazǵandardy sotqa berdi. Ashýǵa býlyqqan óner ıesi isti zańgerlerge tapsyrǵan, dep jazady KAZ.NUR.KZ.
Juldyz Ábdikárimova áleýmettik jelidegi synǵa asa mán bermeıtin ártister qatarynda. Alaıda, januıasyna qatysty jaǵymsyz pikirler aıtylyp jatqanda qarap qalmaıtynyn kórsetti.
Óner ıesi balalaryna ólim tilegen eki kelinshek pen ózine Qaırattan artyq er adam tappaıtynyn jazǵan jigitti sotqa bergen.
«Úndemegen saıyn údep barady. Dál osy jigitti jáne balalaryma ólim tilegen eki áıeldiń ústinen zańgerlerim is qozǵaýda. Áleýmettik jelige de tártip kerek. Osyndaı órimdeı jastar úıindegi áke-sheshesiniń abyroıyn oılaı ma eken? «Balam úıde, qylyǵy túzde» degen. Bul negatıvtiń ıesi týraly aqparattyń barlyǵy áp-sátte jınaldy. Endi ary qaraı is qozǵalmaq», — dep jazdy Ábdikárimova.
"Adyrna" ulttyq portaly
