Bügın Nūrsūltan Nazarbaev "Nūr Otan" partiiasynyŋ töraǧalyǧyn prezident Qasym-Jomart Toqaevqa tabystaitynyn aitty. Būl özgerıstı tranzit retınde qarastyryp otyrǧan jandar jeterlık, al jelıde sarapşylar öz oilaryn jetkızude.
Saiasattanşuy Dosym Satpaev bylai deidı: "Aǧylşyn tılınde "white elephant" (aq pıl) degen söz tırkesı bar. Būl oŋtüstık-şyǧys Aziia elderındegı erekşe dästürge bailanysty şyqqan. Kezınde bileuşı özınıŋ erekşe raqym syiy retınde qasiettı aq pılın syiǧa tartatyn bolǧan. Köbıne bileuşılerge özınıŋ pılın satyp jıberuge bolmaityn, al ony baǧyp-qaǧu tym qymbatqa tüskendıkten osyndai amalǧa baratyn. Mıne, sondyqtan Nur Otan partiiasyn prezident Qasym-Jomart Toqaevqa beru bır jaǧynan osylai "qymbat syilyq" körınedı, al ekınşı jaǧynan memlekettık apparat jaǧynan 2019 jyldan berı prezidentke nömır ekınşı tūlǧa retınde qarap kelgender üşın prezidenttıŋ küşeiuı retınde de baiqalady.
Nazarbaev būl şeşımdı nege parlamenttık sailau aldynda jasamaǧany qyzyq. Ol kezde partiialyq tızımdı qalyptastyryp, premerdı auystyrǧysy kelgen Toqaevqa tym senım artpaǧan syŋaily. Al qazır eldegı äleumettık jaǧdai naşarlaǧandyqtan Toqaevty küşeitıp, memapparatty jūmys ıstetu jolyn ızdeitındei körınedı. Alaida prezidenttıŋ nomenklaturasy köterılse de, maŋyzdy kadrlyq özgerısterdı Kıtaphana jasaidy.
Taǧy bır aitatynym, öz aulasyna "aq pıldı" qoiǧan Toqaev ol pıldıŋ qolynan tük kelmeitınıne közı jetedı, sebebı partiialyq būl pıl antikrizistık äreketter jasai almaityny, qoǧam men bilık arasyndaǧy köpır bola almaityny baiqaldy. Eŋ basty sūraq bıreu, ol Toqaev būl "aq pılmen" ne ısteidı? Ony jūmys ısteitın tūlparǧa ainaldyra ma, älde ony tamaqtandyryp otyra ma?" - deidı saiasattanuşy.
Qoǧam qairatkerı Ämırjan Qosan bolsa bylai deidı: "Bızdıŋ ıs jüzınde bırpartiialyq jüiede "Nūrotan", sözsız, eŋ basty saiasi resurs. Sondyqtan bügın prezident Toqaev saiasi jaǧynan küşeie tüstı dep sanauǧa bolady. Ärine, Nazarbaevtyŋ qolynda formaldy türdegı resurs - Qauıpsızdık keŋesı men formaldy emes resurs - Toqaevpen o bastaǧy ekeuara kelısımı bar. Ony da ūmytpaiyq".
Saiasattanuşy Bauyrjan Serıkbaev bügıngı özgerıster jaily büi deptı: "Partiia Töraǧasy, Elbasy Nūrsūltan Äbışūly Nazarbaev partiia Töraǧasy lauazymyn Qazaqstan Respublikasynyŋ Prezidentı Qasym-Jomart Kemelūly Toqaevqa beretındıgın mälımdedı.
Qazaqstanda ūrpaqtar sabaqtastyǧy negızınde saiasi reformalar ornyqty, pragmatikalyq tūrǧyda ıske asyp keledı. Elımız reformalardy satylap, tynyştyq pen täuelsızdıktı saqtai otyryp ıske asyru üstınde.
Elbasy täuelsızdıktı saqtau bärınen qymbat ekenın erekşe atap öttı. Älemnıŋ toǧyzynşy territoriiasynda 19 million halyq, 14 million qazaq otyrmyz. Geosaiasi ornalasuymyz da erekşe. Eldıŋ tynyştyǧy, bırlıgı bärınen qymbat.
Qazaqstannyŋ öz damu joly, baǧyty bar ekenın Elbasy taǧy bır ret körsetıp berdı. Bärın oilasyp, salmaqty qadamdarmen jasai bılsek XXI ǧasyr qazaqtyŋ ǧasyry bolmaq".
Al saiasattanuşy Marat Şibutov bylai dedı: "Osy sözsız aituly künde prezidenttıŋ biylǧy 1 qyrküiektegı Joldauyndaǧy bır üzındını eske tüsırıp, keibır kadrlyq şeşımderdıŋ bolatynyn boljaǧym keledı: "Memleket basşysynyŋ baǧyt-baǧdaryna kümän keltıretın, jūmysty qolǧa almaǧan, äiteuır uaqyt ötkızıp, otyrudy qalaityn, Prezident tapsyrmasyn oryndaudan jaltaryp jürgenderdıŋ barlyǧy öz qyzmetterın tastap ketuı kerek" degen edı prezident".
"Adyrna" ūlttyq portaly
