24 qaraşa künı Äl-Farabi atyndaǧy Qazaq ūlttyq universitetınıŋ Filosofiia jäne saiasattanu fakultetı filosofiia kafedrasy jäne äl-Farabi Ortalyǧy Aǧyn Hairollaūly Qasymjanovtyŋ 90 jyldyǧyna jäne Qazaqstan Respublikasy Täuelsızdıgınıŋ 30 jyldyǧyna arnalǧan "AǦYN QASYMJANOV – ǦALYM-FİLOSOF, FARABİTANUŞY" atty halyqaralyq döŋgelek üstel ötkızedı.
Filosofiia ǧylymdarynyŋ doktory, professor, Qazaqstan Respublikasy Ūlttyq Ǧylym Akademiiasynyŋ korrespondent-müşesı Aǧyn Hairollaūly Qasymjanov äl-Farabidıŋ filosofiialyq oiy men mūrasy tarihynyŋ teoriialyq mäselelerın alǧaşqy zertteuşılerdıŋ bırı boldy. Onyŋ tıkelei qatysuymen 1993 jyly äl-Farabi atyndaǧy QazŪU janynan äl-Farabi Ortalyǧy qūryldy.
2003 jyldyŋ qazan aiynan bastap körnektı ǧalym, oişyl, tälımger A.H. Qasymjanovty eske alu maqsatynda filosofiia kafedrasy A. H. Qasymjanovtyŋ tuǧan künıne arnalǧan "Qasymjanov oqulary" halyqaralyq konferensiiasyn ötkızedı.
Döŋgelek üstelde A.H. Qasymjanovtyŋ şyǧarmaşylyǧy men tūlǧasy, Qazaqstan qoǧamynyŋ ruhani damuy konteksınde onyŋ Äl-Farabidıŋ ziiatkerlık mūrasyn zertteuge qosqan ülesı talqylanady.
Halyqaralyq döŋgelek üstel jūmysyna Qazaqstannan, jaqyn jäne alys şetelderden A. H. Qasymjanovtyŋ şäkırtterı men ǧalymdary qatysady.
«Adyrna» ūlttyq portaly
