«Nur Otan» partiiasynyŋ baspasöz qyzmetı Elbasy, Partiia Liderı Nūrsūltan Nazarbaevtyŋ tapsyrmasy boiynşa qabyldanǧan ärbır öŋır, qala jäne audan üşın daiyndalǧan 217 jol kartasy aiasynda sailaualdy uädelerdı ıske asyrudyŋ 10 aidaǧy aralyq qorytyndylary turaly mälımettermen bölıstı.
Memleket basşysy Qasym-Jomart Toqaev jariia etken «Özgerıster joly: Är azamatqa laiyqty ömır!» sailaualdy baǧdarlama aiasynda öŋırlerde 11,6 mln şarşy metr tūrǧyn üi, 59 myŋ oryndyq 165 mektep, 28,5 myŋ oryndyq 354 balabaqşa, sondai-aq 6,7 myŋ adam qabyldaityn 44 medisinalyq nysan paidalanuǧa berıldı. 248 käsıporyn aşylyp, 1 trillion teŋgeden astam investisiia salyndy. 315 myŋ adam tūraqty jūmys oryndaryna ornalastyryldy.Mäselen, Maŋǧystau oblysynyŋ Qyzylsai auylynda zamanaui medisinalyq qūral-jabdyqtarmen jabdyqtalǧan därıgerlık ambulatoriia aşyldy. Endı emdeluşıler ultradybystyq, rentgen, stomatologiia jäne zerthana qyzmetterın paidalana alady. Barlyǧy 40-tan astam arnaiy kabinet jūmys ısteidı. Türkıstan oblysynda oblystyq maŋyzy bar «Köksaek-Aqsu-Şaian-Myŋbūlaq» avtomobil joly paidalanuǧa berıldı. Mūnda 14,8 km jol jöndelıp, qaita salynsa, al 7,7 km jolǧa asfalt-beton jabyny töseldı. Eldı mekenderdıŋ ışınde jaiau jürgınşılerdıŋ qauıpsızdıgın qamtamasyz etu üşın jalpy 10 km trotuar töseldı. Şyǧys Qazaqstan oblysynyŋ Kurchatov qalasynda tennis korty men basketbol alaŋynyŋ aumaǧyn abattandyru jūmystar jürgızıldı. Sailau nauqany kezınde jastardan köptegen ūsynystar kelıp tüskenın eskere otyryp, atalǧan mäsele partiianyŋ qalalyq sailaualdy baǧdarlamasyna arnaiy tarmaq retınde engızılgen edı. Almaty oblysynyŋ Baqanas auylynda jaŋa dene şynyqtyru-sauyqtyru keşenı aşyldy. Jalpy audany 4 myŋ şarşy metrden asatyn ǧimaratta küres, boks, futbol, basketbol, voleibol, tennis siiaqty sport türlerımen ainalysuǧa jaǧdai jasalǧan. Nysan barlyq qajettı sporttyq kerek-jaraqtarmen tolyqtai jabdyqtalǧan. Eske sala keteiık, «Nur Otan» partiiasynyŋ sailaualdy uädelerı aiasynda 2025 jylǧa deiın 1 mln otbasy üşın 100 mln şarşy metrden astam tūrǧyn üi paidalanuǧa berılıp, 3,5 myŋ auyl men 5 myŋ mektep jaŋǧyrtylady. 25 myŋ şaqyrym respublikalyq jäne 27 myŋ şaqyrym jergılıktı joldar salu jäne qaita jaŋartu közdelıp otyr.
«Adyrna» ūlttyq portaly
