Senat depýtattary Qyrǵyzstan men Tájikstanǵa áskerı kómek kórsetý týraly birneshe kelisimdi ratıfıkaııalady dep habarlaıdy "Adyrna" ulttyq portaly "Orda.kz-ke" silteme jasap.
2021 jylǵy 2 naýryzda Sadyr Japarovtyń Qazaqstanǵa memlekettik sapary barysynda Qazaqstan men Qyrǵyzstan arasyndaǵy óteýsiz áskerı-tehnıkalyq kómek kórsetý týraly úkimetaralyq kelisimge qol qoıyldy.
– Kelisim qyrǵyz tarapyna áskerı múlik, oq-dáriler men arnaıy tehnıkany bir rettik berýdi qarastyrady. Áskerı tehnıkany Qyrǵyz Respýblıkasynyń Qoıtash aýylyna avtokólikpen jetkizý shyǵyndaryn – qazaqstandyq tarap qamtamasyz etedi jáne óz moınyna alady. Qyrǵyz tarapy alynǵan áskerı múlikti nemese ony paıdalaný quqyǵyn úshinshi tulǵaǵa bermeıdi, – dep habarlady QR Qorǵanys mınıstriniń orynbasary Rýslan Shpekbaev
Ol Qyrǵyz Respýblıkasyna áskerı múlikti berý Qazaqstannyń jaýyngerlik ázirligi men qorǵanys qabiletiniń jaı-kúıine áser etpeıtinin atap ótti, óıtkeni kómek Qarýly Kúshterdiń bıylǵy járdemaqysynyń artyq qorynan beriledi.
Qazaqstan men Tájikstan arasyndaǵy áskerı-tehnıkalyq kómek kórsetý týraly ekinshi úkimetaralyq kelisimge 2021 jyldyń 17 sáýirinde qol qoıylǵan. Qujatta áskerı múlikti, atap aıtqanda, oq-dárilerdi tájik tarapyna bir rettik berý qarastyrylǵan.
– Qazaqstandyq tarap áskerı tehnıkany Jambyl oblysynyń Otar stanııasynan Dýshanbe qalasyna temir jol kóligimen jetkizý shyǵyndaryn qamtamasyz etedi jáne óz moınyna alady. Tájik tarapy alynǵan áskerı múlikti nemese ony paıdalaný quqyǵyn úshinshi tulǵaǵa bermeıdi. Aıta ketý kerek, áskerı múlikti Tájikstan Respýblıkasyna berý Qazaqstannyń jaýyngerlik ázirligi men qorǵanys qabiletiniń jaı-kúıine áser etpeıdi, óıtkeni kómek Qarýly Kúshterdiń bıylǵy járdemaqysynyń artyq qorynan beriledi, – dedi Rýslan Shpekbaev.
"Adyrna" ulttyq portaly
