Almaty oblysynda 6-shy synyp oqýshysyn óz qatarlastary aıaýsyz sabaǵan

4409
Adyrna.kz Telegram

Almaty oblysynda 6-shy synyp oqýshysyn qatarlastary aıaýsyz sabaǵan. Keleńsiz oqıǵa Rahat aýylyndaǵy № 1 orta mektepte boldy. Basynan aýyr jaraqat alǵan Arman Iýsýpovqa dárigerler operaııa jasady. Qazir jaǵdaıy máz emes deıdi. Bul týraly "Adyrna" ulttyq portaly "Astana" arnasyna silteme jasap habarlaıdy.

Kúni-túni aýrýhanany torýyldap, balasyna alańdaǵan Zarına Iýsýpova mekteptegi sumdyqty eske alýǵa qorqady. Aıtýynsha, 12 jastaǵy ulyn ótken beısenbide qatarlasy soqqyǵa jyqqan. Al mektep basshylyǵy  ony jasyrýǵa tyrysypty. Balasynyń qulap qalǵanyn aıtyp, úıine qaıtaryp jibergen. Jaǵdaıy nashar bolsa da jádel-járdem shaqyrtqyzbaǵanyn aıtady.

“Jedel járdem shaqyrmańyz, bizdi kútińiz, biz ózimiz kómektesemiz dedi. Jaraıdy dedim. Tárbıe jónindegi orynbasar.  Farıza sender maǵan ótirik aldap tursyńdar, ne boldy balaǵa shynyn aıtyńdar dep edim, balanyń murnyna qoly tıip ketipti dedi”, – dedi jábirlenýshiniń anasy Zarına Iýsýpova.

Kúnnen kúnge  álsirep, bas aýrýy údegen  Armandy anasy aýrýhanaǵa aparǵan. Dárigerler háli múshkil ekenin aıtyp, birden otaǵa alyp ketken. Sol sátte mekteptegiler kelip, qoqan-loqqy kórsetipti.

“Shyndyqty aıtty balam.  Balalar urdy, jabylyp dedi, men aıtpap edim sizge dep. Onyń ústine meniń balama eden jýǵyzatyn eken mektepte, qabyrǵa jýǵyzady eken. Jansaıa men Madına degen kisi meni urdy, kádimgideı uryp jiberdi ózderimen ózderi kelip”, – dedi Zarına Iýsýpova.

“Meniń sińilimdi ıterip jiberedi. Eı, qoısańyzdarshy, sizder kimsizder, ózderińizdi tanystyryńyzdar degenimshe anaý qaramsaıdy sary kúrteshedegi sińilimdi julmalap jatyr. Ol dırektordyń orynbasary eken”, – dedi Zýhra Iýsýpova.

Ashynǵan ana polıııaǵa aryz jazýǵa barǵan. Biraq ondaǵylar shaǵymyn qabyldamaǵan kórinedi. Al  mektep ujymy  isti jyly jabýdy suraǵan.  Al dárigerler 12 jastaǵy Armanǵa ota jasalǵanyn habarlady.

“Asqyný bolǵan bul jerde. Balada aýyz qýysynda jara paıda bolǵan. Bet álpetindegi ınfekııa samaı aımaǵyna ketken. Operaııa jasalǵan búkil irińdik proesster ashylyp sátte irińder shyǵaryldy. Qazirgi tańda balanyń jaǵdaıy jaqsy”, – dedi Almaty aımaqtyq balalar klınıkalyq aýrýhanasynyǵ jaq-bet hırýrg dárigeri Baıken Toqqojaev.

Degenmen jábirlenýshiler balanyń búgingi hálin jaqsy dep aıta almaımyz dep otyr. Oqýshy psıhologııalyq soqqy alǵanyn aıtady.

“Mektep dırektory kesheden beri osy ispen aınalysýda. Tańerteń osy jumystyń babymen balaǵa ketken bolatyn aýrýhanaǵa. Sonda ketkenin aıtty. Zvandasam qazir telefony óship tur”, – dedi Rahat aýyldyq okrýgi №1 orta mektebi dırektorynyń oqý isi jónindegi orynbasary Dınara Azatqyzy.

Al Polıııa Departamenti atalǵan iske qatysty  shaǵym túsken joq deıdi.

“Atalǵan derek boıynsha aýdandyq aýrýhanadan, mektep ákimshiliginen jáne ata-analar tarapynan eshqandaı aryz Eńbekshiaýdandyq polıııa basqarmasyna kelip túspegen. Degenmen qazir tıisti tekserý jumystary júrgizilýde”, – dedi Almaty oblystyq polıııa departamenti baspasóz qyzmetiniń qyzmetkeri Ábiltaı Ábenov.

Balamyz taıaq jep qana qoımaı, ózimiz de qysymǵa ushyradyq degen jábirlenýshiler barlyq másele zań aıasynda sheshilse deıdi.

Olar Ishki ister mınıstrliginen kómek suraıdy.

"Adyrna" ulttyq portaly 

Pikirler