Almaty qalasyndaǵy Abaı eskertkishiniń aldynda keshe ǵana denesi jer qoınyna tapsyrylǵan aqyn, dıssıdent Aron Atabektiń (Edigeev) ólimine baılanysty mıtıng ótti dep habarlaıdy "Adyrna" ulttyq portaly.
Mıtıngke Aron Atabektiń qyzy Aıdana Aıdarhan, qoǵam belsendileri men jastar qatysty.
Sharaǵa jınalǵandardyń birqatary Aron Atabektiń qoǵamdaǵy róli men onyń ólimine qatysty óz pikirlerin bildirse, endi biri sharaǵa kelgen quqyq qorǵaý organdarynyń qyzmetkerlerine úndeý tastady:
"Eger elimizde demokratııa bolǵanda, sizder, bul mıtıngke kelmeıtin edińizder. Úılerińizde otbasylaryńyzǵa qamqor bolyp, óz balalaryńyzdyń bolashaǵyn oılap, olardyń damýyna atsalysar edińizder", — dedi belsendilerdiń biri.
Sondaı-aq mıtıngke jınalǵandar aqynnyń rýhyna taǵzym etip, "Aqyn joq bolsa, halyq ta joq" dep uran kóterdi.
"Adyrna" ulttyq portaly.
