Täjıkstanda halyq narazylyǧy toqtar emes. 25-qaraşa künı Täjıkstannyŋ Roştkaly audanynda qūqyq qorǧau organ qyzmetkerlerı jas jıgıt Gulbiddin Ziebekovty tūtqyndaidy. Oǧan "adamdy kepıldıkke alǧan jäne qorqytyp aqşa talap etken" degen aiyp taǧylady. Tūtqyndau barysynda Gulbiddin jaraqat alady, al Horog qalasyna tergeuge apara jatqan jolda köz jūmady.
Alaida kuägerler men qūqyq qorǧau organ qyzmetkerlerı ekı türlı nūsqa aituda. Qaza tapqan jıgıttıŋ tuystary onyŋ aman-sau ketkenın, alaida polisiia bölımşesınen ölı küinde tabylǧanyn aitsa, qūqyq qorǧau organ qyzmetkerlerı onyŋ tärtıp saqşylaryna qarsylyq bıldırıp, jaraqat alǧanyn, sodan köz jūmǧanyn aitady.
Qaza bolǧan jıgıttıŋ tuystary onyŋ denesın ortalyq alaŋǧa aparyp, ölım sebebın naqty zertteu talabyn qoiǧan. Artynşa alaŋǧa jüzdegen adam jinalyp, bilıkke öz qarsylyqtaryn bıldırgen. Sol künı alaŋda atys bolyp, taǧy bır azamat qaza tabady. Ol 21 jastaǧy Tutişo Aslişoev bolatyn. Taǧy bır azamat atysta jaraqat alyp, auruhanada köz jūmǧan. Oqty bilık organdary atty degen küdık bar. Būl aqparat Horog qalasynyŋ tūrǧyndary arasynda lezde tarap, alaŋǧa myŋdaǧan adam jinalyp, narazylyq aksiiasy küşeie tüsken. Saldarynan alaŋda taǧy qaqtyǧys bolyp, tärtıp saqşylary men halyq arasynda zardap şekkender bar.
Tergeuge şaqyrylyp, qaza tapqan jıgıttıŋ denesı alaŋda üş kün jatyp, aqyry jer qoinyna berıldı. Naryzylyq jalǧasuda. Bilık ökılderı ädıl tergeu ötkızuge uäde berse de, halyq nätijenıŋ şynaiy bolmaitynyna senımdı.
"Adyrna" ūlttyq portaly
