Äskerge sap-sau ketıp, esınen aiyrylǧan küide oralǧan qyzylordalyq sarbaz anasyn tanydy, dep habarlaidy "Adyrna" ūlttyq portaly Turkystan.kz saityna sılteme jasap.
19 jastaǧy Renat Jetkergenov äskerden oralǧannan keiın tuystaryn tani almaǧan bolatyn.
Renattyŋ anasy Aiǧanym Izbasarova ūly emdelıp jatqan Qyzylorda oblystyq psihikalyq densaulyq ortalyǧyna kün qūrǧatpai barady. Ananyŋ qaiǧy-qasıretın körıp, därıgerler ūlyn köruge rūqsat berıptı.
«Därıgerler Renattan: sız būl äieldıŋ kım ekenın bılesız be? – dep sūrady. Ol: «İä, būl – Aiǧanym, anam, ol – mūǧalım», – dep jauap berdı. Bıraq ūlymmen söilesuge uaqytym bolmady, ol basy qatty auyryp ketkenın aitqan soŋ, därıgerler ony alyp kettı», – deidı Aiǧanym Izbasarova.Ol ūlyn aldymen Nūr-Sūltan nemese Almatydaǧy bılıktı mamandarǧa qaratudy josparlap otyr. Odan soŋ kınälıler jazasyn alsa deidı. Qazırgı tergeu jūmystaryna ananyŋ köŋılı tolmaidy. Eske sala keteiık, Renat Jetkergenov Aqtaudaǧy 25/744 teŋız flotynda äskeri boryşyn ötegen bolatyn. Merzımınıŋ aiaqtaluyna 8 kün qalǧanda, «säl auyryŋqyrap» qaldy degen syltaumen ony üiıne qaityrypty. Renatty kütıp alǧan ata-anasy ūldaryn körıp jaǧalaryn ūstaǧan: üstındegı kiımı – şūryq-tesık, aiaǧynda jazdyq täpışke bolǧan. Otan aldyndaǧy boryşyn ötep emes, qūddy qūldyqta jürgendei oraldy, deidı aǧasy. Küdıktengen tuystary jıgıttı auruhaǧa aparyp teksertken. Därıgerler basynan soqqy alǧanyn aitqan. Al Qorǧanys ministrlıgınıŋ ökılı mūnyŋ barlyǧyn joqqa şyǧarǧan edı. Olar Renat äsker qataryna qabyldanǧanda densaulyǧy jaqsy bolǧanyn, äskerde de oǧan eşkım tiıspegenın aitty. Degenmen, kazarmada ne jaǧdai bolǧany belgısız. Renattyŋ da jaǧdaidy tüsındıruge şamasy joq. Al sarbazdyŋ et jaqyndary aiyptylardy tauyp, ädıl jaza berudı talap etpekşı.
"Adyrna" ūlttyq portaly
Ūqsas jaŋalyqtar
