Zerdeliden zeıinińdi ash!

1278

Balalardyń bilimin damytyp, logıkalyq oılaý júıesin, matematıkasy men aǵylshyn tilin tereńdetýge úlken úles qosatyn «ZERDELI» aqyl-oıdy damytý mektebi Taraz qalasynan óziniń ortalyǵyn ashty , — dep habarlaıdy «ZhambylNews» Aqparattyq Agenttigi.

Ashylý 27 qarasha kúni, Taraz qalasyndaǵy «ZERDELI» aqyl-oıdy damytý ortalyǵy ornalasqan Taraz qalasy, Astana shaǵyn aýdany, 14A ǵımaratynyń aldynda ótti.

Ortalyqtyń ashylý saltanatyna elimizge tanymal matematık, matematıka páninen respýblıkalyq «Altyn saqa», «Altyn túlek» jáne «Altyn tuǵyr» olımpıadalarynyń avtory, Zerdeli aqyl-oı damytý mektebiniń negizin qalaýshy Rysbek Máýit,  Zerdeli ortalyǵynynyń negizin qaraýshylardyń biri, Halyqaralyq «Bolashaq» baǵdarlamasynyń túlegi, Irlandııanyń Dýblın qalasyndaǵy Trennıtı ýnıversıtetiniń PhD doktory, Nazarbaev Ýnıversıtetiniń ǵylymı jobalar jetekshisi, ondaǵan aǵylshyn tili oqý quraldarynyń avtory Ójet Máýit myrza, «Jambyl daryny» mekemesiniń dırektory Maıra Amanqulqyzy, Taraz qalasyndaǵy uldarǵa jáne qyzdarǵa arnalǵan bilim-ınnovaııa mektepteri dırektorlarynyń orynbasarlary, Taraz qalasyndaǵy Nazarbaev Zııatkerlik mektep dırektorynyń orynbasary, Taraz qalasy bilim bóliminiń ókilderi, sondaı-aq birneshe jergilikti mektep basshylary qatysty!

Ashylý saltanaty barysynda qarasha aıynda 5-6 synyp oqýshylary arasynda matematıka páninen Jambyl oblysynda birinshi ret ótkizilgen «Altyn saqa» baıqaýynyń oblystyq kezeńi qorytyndylanyp, oblys boıynsha oza shapqan 50 júıriktiń 25-ne qarjylaı jáne kádesyılar berilip, olarǵa arnaıy dıplomdar tabystaldy. Syılyqtardyń barlyǵy Zerdeliniń qarajaty esebinen alyndy. Eń mańyzdysy sol, «Altyn saqa» olımpıadasyna Taraz qalasynan qatysqan 215 oqýshyǵa jáne oblystyq kezeńde júldeli orynǵa ıe bolǵan 25 darynǵa «ZERDELI» aqyl-oıdy damytý ortalyǵynda odan ári bilimderin tereńdetý úshin 10-50 paıyz aralyǵynda jeńildik sertıfıkattary berildi.

«ZERDELI» aqyl-oıdy damytý ortalyǵynyń basqa mektepter men bilim ortalyqtarynan negizgi ereksheligi – balalardyń logıkasyn damytý, olardyń matematıkany muqııat túsinip, óz betinshe esep shyǵarýy úshin ońaı ádis-tásilderdi úıretý, logıkasy júırik, esepke qabileti bar daryndy balalardy respýblıkalyq jáne halyqaralyq olımpıadalarǵa daıyndaý, oqýshylarǵa aǵylshyn tilin erkin meńgertý úshin avtorlyq metodıkamen oqytý bolyp tabylady. Zerdeli ortalyǵynda 2-11 synyptarda oqıtyn kez-kelgen bala ózi qalaǵan ýaqytta matematıkasy men logıkasyn jáne aǵylshyn tilin meńgerýge múmkindigi bar. Balalardy «daryndy» nemese «darynsyz» dep bólip qaramaıdy, barlyq balany qabyldap alyp, olardy shamasyna qaraı toptarǵa bólip, bilimderin arttyrý boıynsha jumys júrgizedi.

Sonymen qatar, zaman talabyna saı, qalamyzdaǵy 125 jáne Dostyq oqytý ortalyqtary sııaqty oqýshylardy «BIL», «NISh», «Daryn» mektepterine daıyndaý jáne UBT-ny sátti tapsyryp, Nazarbaev ýnıversıtetine  túsý úshin oqytý da Zerdeliniń mańyzdy qyzmetteriniń biri. Bul baǵytta da tájirıbeli mamandar jumys jasaıdy. Atalǵandardan basqa, muǵalimdermen oqytý jumystaryn júrgizý, muǵalimderdi jáne oqýshylardy qajetti matematıkalyq materıaldarmen qamtamasyz etý, qalalyq jáne oblystyq baıqaýlar ótkizý sııaqty qyzmetter de bar.

Taraz qalasynda jańadan ashylǵan ortalyqtyń qysqasha qyzmeti osyndaı. Al respýblıkalyq deńgeıde, ıaǵnı Nur-Sultan qalasyndaǵy «ZERDELI» aqyl-oıdy damytý mektebi negizgi bes baǵytta jumys jasaıdy, soǵan sáıkes onyń bes bólimi bar.

Birinshisi – «Zerdeli-Bilim» bólimi, munda bastaýysh synyptan bastap balalardyń matematıkasyn, logıkasyn, saýat ashý páni men aǵylshyn tilin túsinip, tııanaqty úırenýge kómektesedi. Balalar 5-6 synypqa kelgende olardy ártúrli olıpıadalarǵa daıyndaıdy, sonymen qatar «BIL», «NISh», «RFMM» jáne «Daryn» sııaqty mektepterge túsý úshin beıimdep oqytady. Balalar atalǵan mektepterge túspeı qalǵannyń ózinde, olarmen jumys jasap, 7-10 synypta matematıka men fızıka, hımııa men bıologııa syndy kúrdeli pánderdi ońaı meńgerýge kómektesedi. Osylaısha, balalar 10-11 synypqa jetkende, olardy joǵary oqý oryndaryna, onyń ishinde Nazarbaev Ýnıversıtetine túsýge beıimdep oqytady. Nátıjesinde, balalar joǵary oqý oryndaryna qınalmaı túse alady. Ekinshisi – «Zerdeli-Talant» bólimi, bul bólim respýblıka kóleminde túrli olımpıadalar ótkizý, daryndardy anyqtaý jáne olardy odan ári damytý úshin tıisti jumystar júrgizedi.

Úshinshisi – «Zerdeli-Digital» bólimi, bul zaman talabyna saı qurylǵan, óziniń aty aıtyp turǵandaı, Qazaqstannyń túkpir-túkpirinde otyrǵan balalardy onlaın oqytýmen aınalysady. Onlaın degen aty bolmasa, shet elden ákelingen zamanaýı tehnologııanyń arqasynda balalar sabaqta offlaın otyrǵandaı, muǵalimmen erkin qarym-qatynasta bolady jáne sabaqty tereń túsine alady. Qazirgi tańda tek onlaın bilim alatyn balalar sany 600-ge jetti.

Tórtinshisi – «Zerdeli-Kitap» bólimi, bul bólim muǵalimder men oqýshylarǵa jáne jalpy mektepke qajetti materıaldardy, kitaptardy, qosymsha aqparattardy daıyndaýmen aınalysady. Qazaqstan boıynsha árbir Zerdeli ortalyǵy óz oqýshylaryn osy bólimde daıyndalǵan kitaptarmen oqytady. Oqýlyqtar belgili matematık, ári avtor, ári mekteptiń negizin qalaýshy Rysbek Máýittiń baqylaýynda bolady.

Sońǵy besinshi bólim – «Zerdeli-Kómek» bólimi dep atalady, bul bólim negizinen bizdiń muǵalimder men daryndy nemese kún kórisi tómen oqýshylardy materıaldyq turǵyda qoldaýmen aınalysady.

Ózderińiz baıqap otyrǵandaı, «ZERDELI» aqyl-oıdy damytý ortalyǵynyń basty maqsaty — matematıkany myǵymdaý! Nege matematıka?

Sebebi, Karl Frıdrıh Gaýss aıtqandaı «Arıfmetıka matematıkanyń, al matematıka ǵylymdardyń patshasy». Mıhaıl Lomonosovtyń tilimen aıtsaq: «Aqyl — oıdy tártipke keltiretin matematıka». Sondaı-aq, biz, matematıkasy kenjelep qalǵan, logıkalyq oılaý deńgeıi tómendeý, aǵylshynshasy amandasýdan ary aspaıtyn, bilim júıesi endi ǵana damýǵa bet alǵan halyqpyz! Sóıte tura damyǵan 30 eldiń qataryna kiremiz degen maaqsatymyz bar. Eger matematıkany damytpasaq, bizde eshqashan da fızıka, ınformatıka nemese hımııa damymaıdy. Jaratylystaný ǵylymy damymaıynsha, biz eshqashan damyǵan el bola almaımyz.

Osy sebepti Zerdeli aqyl-oı damytý mektebi Taraz qalasynan ashylyp otyr, Ortalyq matematıka men logıkadan mamandandyrylǵan jáne respýblıka boıynsha ártúrli olımpıadalar ótkizý arqyly synaqtan ótken. Ony Jambyl oblysynyń matematıkteri de biledi.

Sol úshin Zerdeli aqyl-oı damytý ortalyǵy barsha oblys turǵyndary men tarazdyqtardy, ustazdar men oqýshylardy birlesip jumys jasaýǵa shaqyrady!

Zerdeli oqýshylarǵa matematıka men logıkadan zeıinin ashýǵa kómektesedi!

P.S. Zerdeli-Taraz ortalyǵynyń dırektory bolyp, Ulybrıtanııada magıstrlik bilim alǵan, Nazarbaev Zııatkerlik mektepteriniń basqarmasynda qyzmet jasaǵan jáne Taraz qalasyndaǵy Nazarbaev Zııatkerlik mektebinde dırektordyń orynbasary qyzmetin atqarǵan Janat Altaev myrza taǵaıyndaldy. Qazirgi tańda Ortalyqta atalǵan mekteptiń matematıkteri men aǵylshyn tili muǵalimderi qyzmet atqarady.

Pikirler
Redakııa tańdaýy