Mereke qarsaŋynda Aqtauda taǧy bır säulettı nysan paidalanuǧa berıldı,-dep habarlaidy "Adyrna" ūlttyq portaly Aqtau qalasy äkımınıŋ baspasöz qyzmetıne sılteme jasap.
Oblys ortalyǧyna kıre berıs tūsta boi kötergen nysannyŋ syrtqy qasbetınıŋ bezendırıluı ūlttyq erekşelıkterge toly.
Qaqpanyŋ oŋ jäne sol qabyrǧalarynda qazaq handyǧynan syr şerter «taiqazan», handar men batyrlar jäne qazaqtyŋ üş biı, Täuelsız eldıŋ nyşandaryna ainalǧan «Altyn adam»,«Qazaq elı» monumentterı men Elordamyzdyŋ simvoldary beinelengen bederlı müsınderı ornalasqan.
Onyŋ ornalastyrylǧan kompozisiialary men müsınderınıŋ qisyndy tüiını bar. Saltanat qaqpasynyŋ aldyŋǧy betınde qazaqtyŋ qos qariiasy nemerelerımen bırge tūrǧan müsınder ornatylǧan. Äjeidıŋ qolyndaǧy ūrşyqtan iırılgen jıp arqyly nemeresımen bailanystyrylǧan. Osylaişa otbasy qūndylyǧy därıptelgen.
Qaqpanyŋ oŋ jäne sol qabyrǧalarynda qazaq handyǧynan syr şerter «taiqazan», handar men batyrlar jäne qazaqtyŋ üş biı, Täuelsız eldıŋ nyşandaryna ainalǧan «Altyn adam»,«Qazaq elı» monumentterı men Elordamyzdyŋ simvoldary beinelengen bederlı müsınderı ornalasqan.
Al, qaqpanyŋ ekınşı kıre berısınde qolynda er-toqymy bar qazaq jıgıtı men tostaqany bar ūlttyq kiımdegı qazaqtyŋ boijetkenınıŋ müsını tūrǧyzylǧan. Būl qazaq elınıŋ qonaqjailyǧyn beinelep tūr.Qaqpanyŋ tört būryşyna ornatylǧan jaryq şamdary da - qol tuyndylary. Qazaqstan Täuelsızdıgınıŋ torqaly toiynyŋ qūrmetıne aişyqty säulet nysanyn salu jūmystary jergılıktı käsıpkerlerdıŋ qoldauymen jüzege asqan. Jobalyq eskizınıŋ avtory jäne müsındeuşı, suretşıler odaǧynyŋ müşesı - Daniiar Qaliev. Daniiar Qaliev būǧan deiın oblystaǧy bırneşe säulet nysandarynyŋ boi köteruıne üles qosty.
"Adyrna" ūlttyq portaly
