«Är qazaq menıŋ – jalǧyzym» dästürlı fotobaiqaudyŋ qorytyndysy şyqty

«Aq jol» Demokratiialyq partiiasy Qazaqstan Täuelsızdıgınıŋ 30 jyldyǧyna orai «Är qazaq menıŋ – jalǧyzym» atty dästürlı fotobaiqauyn jariialaǧan bolatyn. Baiqaudyŋ negızgı maqsaty – portrettık, taqyryptyq jäne özge de janrlar arqyly täuelsız Qazaqstannyŋ qalyptasuyna üles qosqan qazaqstandyqtardyŋ beinesın aşu, Alaş ūstanymyn nasihattau. Jūmystarǧa dauys beru «Aq jol» partiiasynyŋ resmi saitynda 25 qazannan – 25 qaraşaǧa deiın jürgızılgen bolatyn. Biylǧy baiqauǧa barlyǧy 120 avtordan 600-ge juyq jūmys kelıp tüsken. Dauys beru nätijesı boiynşa eŋ köp dauys jinaǧan 40 jūmys pen taqyrypqa sai 12 jūmys ırıktelıp, komissiia qarauyna jıberıldı. Komissiia qūramynda äigılı fotojurnalist, «Fotoöner» qoǧamdyq bırlestıgınıŋ töraǧasy Asylhan Äbdıraiymov, belgılı jurnalist Qainar Oljai sekıldı bırqatar tanymal tūlǧalar qazylyq jasady. Jüldegerlerdı saltanatty marapattau räsımın alǧysözımen aşqan «Aq jol» demokratiialyq partiiasynyŋ töraǧasy Azat Peruaşev barlyq qatysuşylardy 1-jeltoqsan – Tūŋǧyş Prezident künımen qūttyqtap, sättılık tıledı.

• «Aq jol» partiiasy dästürlı türde ūiymdastyryp jürgen «Är qazaq menıŋ – jalǧyzym» fotobaiqauy jyldan jylǧa tanymaldylyǧy artyp, fotoöner älemındegı aituly şaraǧa ainalyp keledı. Jalpy, būl konkursqa öz salasynyŋ mamany sanalatyn käsıbi fotosuretşılermen qatar, jas äuesqoi fotoönerşıler de qatysyp jatyr. Aldaǧy uaqytta būl konkursta äuesqoi fotosuretşılerge arnap jaŋa nominasiia aşudy ūsynamyn, – dedı Azat Tūrlybekūly.

Al, ädılqazylar alqasynyŋ töraǧasy Asylhan Äbdıraiymovtyŋ aituynşa, biyl qazaq fotoönerıne 180 jyl tolyp otyr.

• Alǧaş ret 1841 jyldyŋ 6 jeltoqsanynda Jäŋgır han Bökei ordasynda alǧaş fotokörme ūiymdastyrǧan bolatyn. Iаǧni, biyl qazaq fotoönerıne 180 jyl tolyp otyr. Biylǧy baiqau joǧary deŋgeide öttı. Qatysuşylar jūmystary taqyryptyq jaǧynan, sapa jaǧynan barlyq talaptarǧa jauap beredı, – dedı A. Äbdıraiymov.

Jalpy, ädılqazy alqasynyŋ töraǧasy Asylhan Äbdıraiymovtyŋ aituynşa, Bas jüldesı 1 000 000 teŋge qūraǧan «Är qazaq menıŋ – jalǧyzym» atty dästürlı fotobaiqauy Qazaqstandaǧy qarjylyq syiaqysy eŋ joǧary fotobaiqau bolyp tabylady. Qazylar alqasynyŋ müşesı Qainar Oljai kenjelep qalǧan qazaq fotoönerın nasihattap, qoldauda ülken eŋbek atqaryp otyrǧan «Aq jol» partiiasyna alǧysyn jetkızdı.

• Qazaq fotoönerı soŋǧy jyldary kenjelep, ögei balanyŋ küiın keşıp keldı. Fotoöner qazaq tarihynan syr şertetın, talai aqtaŋdaq jyldardy beinelep qalǧan ülken öner salasy. Osyǧan deiın fotoöner mäselenı eşbır qoǧamdyq ūiym, eşbır partiia köŋıl bölmei kelgen edı. «Aq jol» partiiasy osy ideiany nazarǧa alyp, dästürlı fotobaiqau ūiymdastyryp jürgenı öte quantarlyq jaǧdai. Konkursqa qatysuşylardyŋ jūmystary Qazaqstannyŋ bükıl geografiiasyn qamtyǧan. Qazaqstannyŋ Täuelsızdıgıne eŋbegı sıŋgen saŋlaq tūlǧalardan bastap, qarapaiym auyl tūrǧyndarynyŋ ömırın aşatyn suretter bar. «Aq jol» partiasy Alaş ūstanymyn nasihattap jürgenı ämbege aian, biylǧy konkursqa sol Alaş taqyrybyn arqau etken fotosuretter de köptep kelgenın atap ötu kerek. Qazylar alqasy avtorlar suretterın eŋ aldymen dauys beru nätijesı, sonymen qatar, fotolardyŋ sapasy, taqyrypty aşa bıluı sekıldı kriteriilermen baǧalandy, – dedı Q. Oljai öz sözınde.

Saltanatty marapattau räsımıne «Aq jol» fraksiiasynyŋ deputattary, BAQ ökılderı qatysty. Jüldegerler men laureattar estelık gramotalarmen jäne aqşalai syilyqtarmen marapattaldy. «Är qazaq menıŋ – jalǧyzym» dästürlı fotobaiqauynyŋ jüldegerlerı:

"Adyrna" ūlttyq portaly