«Sibu Qyzylorda» jūmysşylary vahtaǧa şyǧu üşın 5 myŋnan 40 myŋǧa deiın aqşa bergenderın aitady
Jūmys jasau üşın de para beru kerek eken. Onda syiaqynyŋ türı «part» dep atalady. Būl turaly
Ratel.kz tılşısıne «Sibu Qyzylorda» Qazaqstan-Qytai injenerlık būrǧylau kompaniiasynyŋ jūmysşylary aityp berdı.
Jūmysşylar 2016-2017 jyldar aralyǧynda kompaniianyŋ kadrlar bölımınıŋ basşysy Äliia EGEMBERGENOVA jūmys jasauǧa kedergı jasap kelgenın aitady. 15 kündık vahtaǧa tüsu üşın aqşa bopsalapty.5 myŋnan bastap 40 myŋ teŋgege deiın talap etken. Sondai-aq eŋbek demalysyna berıletın aqşany der kezınde alu beru üşın de «part» sūraidy eken.
«2016 jylydyŋ qyrküiek aiynyŋ 2-şı jūldyzy künı Säbit JÜNISBEKOV Abai daŋǧylynda ornalasqan mekemenıŋ bas keŋsesıne baryp jūmysqa jıberuın sūraǧan kezde, kadrlar bölımınıŋ basşysy Egembergenova Äliia «Barǧyŋ kelse jolyn jasap jıber» - dep talap ettı», - dep jazǧan bır top jūmysşy Qyzylorda oblysy äkımı Qyrymbek KÖŞERBAEVTYŊ atyna. Būl aryz Qyzylorda qalalyq IIB-nyŋ basşysy polisiia podpolkovnigı Däulet BERKIMBAEV pen oblys prokurory Halidulla DÄUEŞOVQA da joldanǧan.
-
Bızden aqşa bopsalaǧan kadr bölımınıŋ basşysynyŋ üstınen aryz jazǧanbyz. Onyŋ üstınen qylmystyq ıs qozǧaldy degen bolatyn. Bıraq ol äiel jūmysta jür. Ūjymdyq aryzǧa qol qoiǧandardy jūmystan şyǧaramyz dep qorqytyp jatyr. Jaqynda ǧana Myrzahan ÄLTAEV degen kranavşik jıgıttı aldap-sulap öz erkımen jūmystan şyǧu turaly aryz jazdyryp aldy. Bız qarapaiym jūmysşylarmyz. Eŋbekaqymyz aidan aiǧa äreŋ jetedı. Onsyzda kvartal saiyn berıletın jäne eŋbekke syilyqaqy qysqaryp qaldy. Būryn jūmys joq kezde kompaniia ailyqtyŋ 50 paiyzyn töleitın. Qazır ol joq, - deidı «Sibu Qyzylorda» kompaniiasynyŋ jūmysşysy Säbit JÜNISBEKOV.
7-8 jyldan berı atalǧan mekemede jūmys jasap kele jatqan Säbit jaqsy jūmys ıstegen üşın berıletın bonustardyŋ da alynǧanyn aityp otyr. Qazaq-qytai kompaniiasynda qazaqtar men qytailar arasynda tepe teŋdıktıŋ joqtyǧyna da küiınedı. Osy aida jūmysşylar jergılıktı bilık ökılderı men qūzyrly organdarǧa şaǧym jazǧan soŋ ailyqtary 10 paiyzǧa ösıptı.
-
İä, juyrda ǧana ailyǧymyzdy köbeittı. Bıraq aituǧa ūialasyŋ. 2890 teŋge qosyldy. Bızde köbıne Şielı audanynyŋ jıgıtterı jūmys ısteidı. Osylar ūiymdastyrdy dep bızge jala jauyp otyr.Mäselen,keşe menı vahtaǧa jıbermei qoidy. Aryzǧa qol qoiǧandardyŋ barlyǧyn qysyp jatyr, - deidı taǧy bır jūmysşy Süiındık QŪLMAHANOV.
«Sibu Qyzylorda» Qazaqstan-Qytai injenerlık būrǧylau kompaniiasynyŋ jūmysşylary 2017 jyldyŋ 24 jeltoqsanynda «Nūr Otan» partiiasynyŋ qoǧamdyq qabyldauynda bolyp, osy problemalardy aitqan. Al 2018 jyldyŋ 8-qaŋtarynda «Nūr Otan» partiiasynyŋ oblystyq filialynda osyǧan qatysty jiyn ötken. Oǧan oblys äkımınıŋ orynbasary, ışkı saiasat basqarmasynyŋ bastyǧy, qūzyrly organ ökılderı, «Sibu Qyzylorda» basşylyǧy men jūmysşylarda qatysqan.
-
Būl aryzǧa qatysty partiia qyzmetkerlerı tekseru jūmystaryn jürgızgen. Partiianyŋ keŋesınde barlyq tarap ökılderı bolyp, aryz qaraldy.Tapsyrmalar berılıp,kompaniiaǧa eskertuler de jasaldy. Kompaniiaǧa jūmysşylardy tek jūmyspen qamtu ortalyǧy arqyly alu turaly mındetteme jüktelgen.Jūmysşylardyŋ äleumettık jaǧdaiy men eŋbekte qūqyqtarynyŋ qorǧaluy da aitylǧan. «Sibu Qyzylorda» qyzmetkerlerınıŋ äleumettık-tūrmystyq jaǧdaiyn dūrystauǧa äude etken,- deidı «Nūr Otan» partiiasy Qyzylorda oblystyq filialy töraǧasynyŋ orynbasary Erjan BAITILES.
Qazaq-qytai kompaniiasyndaǧy dau äleumettık jelıde de qyzu talqylanyp jatyr. Şymkenttık zaŋger Aigül ORYNBEK «Köşerbaev myrza, mäselenı şeşudıŋ ornyna, jıgıtterdı syndyruǧa köştıŋız be?» degen post
jazypty. Zaŋger jazbasynda bır ai būryn özıne jūmysşylardyŋ habarlasqanyn aitady. Mäselenı uşyqtarmai şeşuge tyrysyp, tiıstı organdarǧa habarladym deidı. Alaida, şaǧymdanuşylardan jäisız habar alǧanyn baiandaidy.
Aigül əpke bızdı bırtındep syndyryp jatyr sızge şyqqanymyz üşın"- dep tūr. Öitkenı jergılıktı telearnalar tüsırgen bıraq körsetpegen. Qytailyqtar kündıgıne 4000 myŋ teŋgege tamaq jese, bız 900 teŋgege jeimız. Bızdıŋ ısteitın jūmysymyz olardan auyr, bıraq kadr bölımınıŋ basşysy Əliia bızdı ərqaşan Qytailyqtardyŋ astyna jyǧyp beredı" - dep küiınıp otyr.
Bügın Qyzylorda oblysynyŋ öŋırlık kommunikasiialar qyzmetınde osy mäselege qatysty arnaiy brifing öttı. Oǧan: oblystyq eŋbek salasyndaǧy baqylau basqarmasy basşysynyŋ orynbasary Tūmar ŞALABAEVA, OIID bastyǧynyŋ orynbasary Nūrlan ANARBAEV, "Sibu Qyzylorda" injenerlık būrǧylau kompaniiasy" JŞS basşysy Van DOSIа qatysty.
Eŋbek inspesiiasynyŋ mälımetınşe 46-jūmysşydan şaǧym tüsken. Olar atalǧan kompaniiadaǧy kadr bölımınıŋ basşysy Äliia Egembergenovanyŋ üstınen aryzdanyp, käsıporynda vahta kestesınıŋ bekıtılmeitının aitqan. Qazır jūmysşylar aryzyna qatysty barlyq şaralar jasalap jatyr eken.
-
Bügıngı künı alaiaqtyq jäne zaŋsyz syiaqy alu boiynşa ekı bırdei qylmystyq ıs qozǧadyq. Qazır tergeu äreketterı jürıp jatyr. Äleumettık jelıde türlı jazbalar şyǧyp jatyr. Eşqandai qysym jasalyp jatqan joq. Tergeu kezderınde ondai bolmady.Bızge būl jönınde bırde bır aryz tüsken joq.Taǧy da eşqandai da qysymnyŋ jasalyp jatpaǧandyǧyn aitqym keledı,- dedı ışkı ıster basqarmasynyŋ ökılı Nūrlan Anarbaev.
Būl «Sibu Qyzylorda» kompaniiasy töŋıregındegı bırınşı dau emes. Qazaqstan-Qytai injenerllık būrǧylau mekemesı 1,3 mlrd teŋge salyq töleuden jaltarǧan. Osy üşın 2011-2014 jyldary üş qazaqstandyq pen ekı QHR-nyŋ azamaty ıstı boldy. Olar memleket biudjetıne qaryzdaryn ötegesın qalalyq №2 soty qylmystyq jauapkerşılıkten bosatqan edı.
Foto avtordıkı jäne äleumettık jelıden alyndy.
QANAT TILEUHANhttp
ratel.kz
