BQO-da «Qazpoştanyŋ» ekı qyzmetkerı käsıpkerlerdıŋ zeinetaqysy men aqşasyn üptep kettı, dep habarlaidy «Adyrna» ūlttyq portaly «Moi gorod» saityna sılteme jasap.
Bügınde jalpy mölşerı 40 mln teŋgenı qoldy qylǧan «Qazpoştanyŋ» ekı äiel qyzmetkerı ūstalyp, uaqytşa ūstau abaqtysyna qamauǧa alyndy.BQO boiynşa Ekonomikalyq tergeu departamentı «Qazpoşta» bölımşelerınıŋ bırınıŋ ekı qyzmetkerı kompaniianyŋ şotyna odan ärı audaru üşın JŞS ökılı bergen aqşanyŋ bır bölıgın zaŋsyz iemdengenın habarlady. Keltırılgen şyǧyn kölemı 33 million teŋgeden asqan.
Sondai-aq, äielder alaiaqtyq jolmen zeinetkerlerdıŋ senımıne qiianat jasap, 7 million teŋgeden astam aqşany iemdengen.«Äielderge qatysty QR Qylmystyq kodeksınıŋ 189-baby «Senıp tapsyrylǧan bötennıŋ mülkın iemdenu» boiynşa sotqa deiıngı tergeu bastaldy. Küdıktıler BQO-nyŋ ekı tūrǧyny, olar ūstalyp, uaqytşa ūstau abaqtysyna qamaldy»- dep habarlady BQO ekonomikalyq tergeu departamentı. Tergeu müddesı üşın basqa mälımetter jariialanbaidy. Biylǧy jyldyŋ nauryz aiynda «Qazpoşta» AQ Batys Qazaqstan oblystyq filialynda jürgızılgen ışkı audit barysynda klientterdıŋ esepşottarymen zaŋsyz äreketter jasau faktısı anyqtaldy. Artynşa «Qazpoşta» esepşottaryndaǧy aqşalaryn tappai qalǧan klientterge öz qarajaty esebınen 2,2 million teŋgenı ötep bergen.
«Adyrna» ūlttyq portaly.
