Şovinist Öskemendegı 28 basşysy atyp öltırmek bolǧan. Ol Qazaqstan tarihynda «Pugachev bülıgı» degen ataumen qaldy «Pugachev» bastaǧan top eldıŋ şyǧys öŋırın Qazaqstannan küştep bölıp almaq bolǧan. Qaruly şabuyl arqyly bilıktı töŋkermek bolǧan topty reseilık Kazimirchuk Viktor Vladimirovich basqarǧan. Kazimirchuktyŋ «Pugachev» jäne «Emelian» degen ekı laqap aty bolǧan. Ol auyr qylmystary üşın ūzaq jylǧa sottalyp şyqqan soŋ 1993-94 jyldary Iýgoslaviia aumaǧynda soǧysqa qatysqan. Äskeri şabuyldy jetık meŋgergen «Pugachev» RF Memlekettık Duma depauttartary jäne reseilık qaltaly käsıpkerlermen jaqsy bailanysqan. Ūlty poliak Viktor Bas barlau basqarmasynyŋ podpolkovnigı şenınde äskeri qyzmet te atqarypty. Ol Şyǧys Qazaqstandy elden küşpen bölıp alyp, «Orys Altaiy» avtonomiiasyn qūrmaq bolǧan. ŪQK onyŋ jolyn kesu üşın ūzaq uaqyt jasyryn küres jürgızgen.
«V.Kazimirchuk 1990-şy jyldardyŋ aiaǧynda Mäskeude özı ūiymdastyrǧan, bıraq ädılet organdarynda tırkelmegen «Rus» qoǧamdyq-patriottyq ūiymyn basqarǧan. Şamamen 1997 jyly «Altai qūrylysşysy» oblystyq gazetınıŋ būrynǧy bas redaktory V. Chernyşovpen jolyǧady. 1998 jyldyŋ jazynda Kazimirchuk bırınşı ret Şyǧys Qazaqstanǧa keledı. Kazaktardyŋ radikaldy qanatymen bailanysqan oblystyŋ jäne qalanyŋ saiasi ömırınıŋ ataqty radikaldary oblystyq mäslihattyŋ deputaty N. İvanov pen A. Daşkovqa ol Chernyşovtan ekı kepıldemelık hatty alyp keledı. 1999 jyldyŋ jazynda Pugachev jäne Chernyşov bırlese otyryp Şyǧys Qazaqstanǧa keldı. Vedomstvonyŋ ortalyq apparatynyŋ üilestıruımen ŪQK ŞQO boiynşa departamentınıŋ qyzmetkerlerı keiınırek anyqtaǧandai, sol kezde-aq «Rus» ūiymynyŋ köşbasşysy oblysty Qazaqstannan bölıp alu josparyn oilastyryp jürgen. «Rus» ūiymy Kazimirchuk pen Chernyşovtyŋ Öskemenge keletın kezınde RF Memlekettık Dumasyna, Şyǧys Qazaqstan oblysynyŋ jūrtşylyǧyna ündeu daiyndady. Ündeude ŞQO-da qalyptasqan äleumettık-ekonomikalyq jäne saiasi jaǧdailardyŋ negativtı jaǧyn tılge tiek etedı. Sonymen qatar būl ündeu arqyly kömek te sūraidy... Al Şyǧys Qazaqstan oblysynyŋ bilıgın qaruly küşpen basyp alu turaly oiy, özınıŋ aituy boiynşa, Kazimirchuk Mäskeuge kelgennen keiın paida bolǧan, sol üşın top ūiymdastyrady», - delıngen QR ŪQK taratqan aqparatynda.
Toptyŋ negızgı bölıgı Resei azamattarynan jäne bıreuı Moldova azamatynan qūraldy. Olar jaqtastaryn Öskemen qalasynan da tabady. Bülıkşıler kalibrı 5,45 mm bolatyn 270 patron, F-1 granatasy jäne Kalaşnikov avtomatynyŋ 4 magazinı syndy qarulardy Omby qalasynan satyp alady. Pugachev «Omskoe vremia» gazetı tılşılerınıŋ tört jalǧan kuälıgın jasaǧan. Osy kuälıkterdıŋ kömegımen ūiym müşelerı Öskemendegı oblys jäne qala äkımşılıkterınıŋ, qūqyq qorǧau organdary departamentterı men basqarmalardyŋ ornalasu mekenjailaryn, äskeri bölımderdıŋ oryndaryn, olardyŋ jūmys kestesı men qarulanuy boiynşa naqty aqparatty jinap, halyqtan saualnama jürgızedı. Al sol uaqytta oblystaǧy jaǧdai şynymen de tūraqtylyq auylynan alys bolǧan. Irı jäne orta käsıptıŋ, oblystaǧy ūiymdardyŋ tölem boiynşa qaryzy öte joǧary, orystıldı halyqtyŋ köptep köşıp jatqan. Tūraqsyzdyq «örtınıŋ» şyǧuyna tek «sırıŋke» jetpei tūrǧan. Otty osy Pugachev bastaǧan top «jaǧuǧa» daiyndalǧan.
«Sol uaqytta Pugachev toby Öskemenge deiın jettı. Osy mezgılde köşbasşy öz komandasynyŋ aldyna naqty mındettı belgıledı: Şyǧys Qazaqstan oblysynyŋ bilıgın qaruly küş qoldanu jolymen basyp alyp, sol jerde «Russkii Altai» avtonomiiasyn qūru. Öz maqsatyna jetu üşın Pugachev jan-jaqty daiyndaldy. Topty basqaruda äskeri elementterdı engızdı – baianat, būiryq beru tärtıbı, ūiym ışındegı rölderdı bölıp berdı, özın komandir etıp taǧaiyndap, orynbasaryn ştab bastyǧy etıp belgıledı. Ūstalǧannan keiın ūiym ştabynda tıntu jürgızgen ŪQK qyzmetkerlerı töŋkerıstıŋ ideologiialyq jäne teoriialyq tūrǧydan daiyndaluyna taŋǧalady. Alynǧan zattar arasynda – anarhizm jönındegı tarihi jäne praktikalyq kıtaptar, «Deklarasionnye polojeniia OPO «Rus», «Russkii nasionalizm i nasionalnyi vopros v Rossii», «Deklarasiia Nasionalnogo bloka» jäne t.b. taqyryptaǧy saiasi oppozisiialyq zertteuşılerdıŋ jūmystary tabyldy. Pugachev ştabynyŋ negızgı jūmysy qalanyŋ strategiialyq obektılerı, arnauly qyzmet jūmysy, qalanyŋ jäne oblystyŋ basşylary jönınde aqparat jinauǧa baǧyttaldy. Ol üşın top müşelerı äskeri bölımşelerde baqylau jürgızgen, Qaruly Küşter jäne IIM ofiserlerımen kezdesu joldaryn tynymsyz qarastyrady, olardyŋ köŋıl-küilerı jönınde barlau jūmystaryn jürgızedı, qarudy satyp alu nemese ūrlap alu mümkınşılıgın ızdestıredı. Abyroi bolǧanda, äskeri qyzmetşılerdıŋ eşqaisysy Kazimirchuk jäne onyŋ köterılısşılerınıŋ ūsynystaryna qyzyǧuşylyq tanytpaǧan», - dedı Komitettıŋ baspasöz qyzmetı.
Oilaryn ıske asyru üşın Pugachev Öskemen aumaǧynan tysqary jerlerden de sybailas tabuǧa tyrysady. Töŋkerıske degen halyqtyŋ pıkırın anyqtau üşın «Soiuz ofiserov» qoǧamdyq ūiymynyŋ jäne «Omskoe vremia» gazetınıŋ jurnalisterı retınde top müşelerı Semei men Aiaközge de barady. Sapar barysynda ŪQK ŞQO boiynşa departamentınıŋ ǧimaratyna şabuyl jasaudy Ridder beketınıŋ atamanyna ūsynady. Kazimirchuk jergılıktı kazachestvonyŋ qoldauyna ülken ümıt artty. Alaida toptyŋ terıs piǧylyn Joǧary Ertıs orys kazachestvo qauymdastyǧynyŋ müşesı Iý. Bessmertnyh qoldamai, jaǧdaidy joryq atamany S. Chulkovqa aitady. Joǧary Ertıs orys kazachestvosy qauymdastyǧynyŋ basşylary keiınırek resmi türde «Pugachev jäne onyŋ sybailastarynyŋ kazaktarmen eşqandai bailanysy joqtyǧyn» mälımdeidı.
«Orys Altaiy» turaly armandar
Kazachestvo ūsynystan bas tartqannan keiın Pugachev biznesmender, deputattar jäne qoǧamdyq belsendıler arasynda odaqtastaryn ūiymdastyryp, qoldau körsetkenderge bolaşaqta qūrylatyn avtonomiiadan lauazymdy qyzmetter ūsyndy. Kazimirchuk-Pugachevtıŋ jospary boiynşa «Orys Altaiy» avtonomiiasy ekı aumaqtan «qūraluy» kerek edı – QR Şyǧys Qazaqstan oblysy jäne RF Tauly Altai avtonomdy respublikasy. Avtonomiia basşylyǧyn Memlekettık Keŋes atqarady. Negızgı portfelder boiynşa İvanov – töraǧa, Kazimirchuk – qauıpsızdık, Atiaşev – ekonomika salalaryna jauap beredı. «Bolaşaq avtonomiia basşylarynyŋ qolynda eŋ bırınşı kezekte sottalatyn nemese joiylatyn adamdardyŋ tızımı boldy. 28 adam terrorşylardyŋ qūrbany bolu kerek edı: oblystyŋ joǧary basşylary, ŞQO jäne Öskemen qalasynyŋ qūqyq qorǧau organdarynyŋ barlyq basşylary, ırı biznesmender men käsıpkerler, ūiymdasqan qylmystyq top köşbasşylary. Pugachevtıŋ jospary boiynşa töŋkerıs tünde, qūqyq qorǧau qūrylymdaryna şabuyl jasaudan bastaluy kerek edı.Terrorşylardyŋ esebı boiynşa taŋerteŋ kelgen ofiserler ǧimaratta toitarys bere bastaǧanda, Kazimirchuk toby atysty bastaidy. Ärı qarai alaŋǧa qala tūrǧyndary şyǧady. Olarǧa qarai jönsız atys nemese ot şaşudy tastau tobyr arasynda jappai tärtıpsızdıktı arandatqan bolar edı. Şartarapqa aqparattyq agenttıkterden habarlamanyŋ taraluy: Öskemende atys-şabys bolyp jatyr… Saraptamaşylardyŋ oiynşa, mūndai jaǧdaidy basuǧa tūraqty armiianyŋ da küşı jetpei qalar edı.Bıraq Kazimirchuk-Pugachev ştabynda eŋ basty närse eskerılmei qalǧan. Olar Öskemenge kelgennen bastap ŪQK nazarynda jürgen. 1999 jylǧy 19 qaraşanyŋ tünınde, Kazimirchuk josparlaǧan oqiǧanyŋ bastaluyna bırneşe saǧat qalǧanda, jergılıktı uaqyt boiynşa 22 saǧat 53 minutta top ştabynyŋ Almaty köşesındegı 52-24-üiınde ornalasqan mekenjaiyna Komitet qyzmetkerlerı basa-köktep kırdı. Ūiymnyŋ joly bola qalǧan jaǧdaida jariialauǧa daiyndap otyrǧan josparlaryn, basqa da qūjattaryn jedel qyzmetkerler tärkıledı», - dedı oqiǧanyŋ josparyn jariialaǧan ŪQK. «Orys Altaiynyŋ» basşylyǧy özderın joǧary saiasi deŋgeide körsetpek bolǧan. «Deklarasiia» (Halyqqa arnalǧan ündeu) qabyldap, «QR qūramyndaǧy özın-özı basqaratyn avtonomdy Orys Altaiy aumaǧynyŋ märtebesı turaly» jäne «Orys Altaiy Memlekettık Keŋesınıŋ №1 Jarlyǧynyŋ» jobalary syndy köptegen qūjattardy jariialauǧa daiyndap qoiǧan. Ekstremistık ärekettegı Kazimirchuktyŋ qaruly tobyna aiyp taǧu üşın barlyq jinalǧan material jetkılıktı bolǧan. «Oblys ortalyǧynda bırqatar ekstremistık ıs-äreketterdı jüzege asyrudy josparlaǧan adamdar tobyn ŪQK anyqtap, öz uaqytynda auyzdyqtady. Onyŋ jetekşısı Resei azamaty. «Rus» ūiymy – Resei Federasiiasynyŋ memlekettık qūrylymyna eşqandai qatysy joq jäne tırkelmegen qoǧamdyq-saiasi bırlestık bolyp tabylady. Bolǧan jait halyqtyŋ jäne menıŋ qatty aşuyma tidı. Şyǧys Qazaqstan tūrǧyndarynyŋ saiasi ekstremistık araŋdatuşylyqqa tüsıp qalmauyna danalyǧy jetetınıne jäne bärımızge ortaq üiımızdıŋ tynyştyǧy men beibıtşılıgın saqtaitynyna senımdımın», - dedı sol kezdegı Şyǧys Qazaqstan oblysynyŋ äkımı V.L. Mette. HH ǧasyrdyŋ soŋynda reseilık jäne qazaqstandyq arnauly qyzmetterdıŋ kömegımen «Orys Altaiy» degen taqyryp jabylǧanmen, HHI ǧasyrda jaǧdaidy qaita jaŋǧyrtu äreketterı, ūltaralyq şielınıstı arandatu jäne ekı eldı, ekı halyqty arazdastyru piǧylyn bäleqor resei jazuşysy, ūltşyl, RF-da tyiym salynǧan «Ūlttyq-bolşevikter partiiasynyŋ» köşbasşysy Eduard Limonov jalǧastyrady. Onyŋ közı Kazimirchuk siiaqty Şyǧys Qazaqstanǧa tüsedı. 2001 jyly Şyǧys Qazaqstan oblysynyŋ aumaǧyna qaruly qaqtyǧys jolymen küştep kırıp, «Ekınşı Reseidı» ornatu maqsatymen RF Altai Respublikasynyŋ Ust-Koksovskii audanyndaǧy Bannyi selosynda qaruly topty jattyqtyratyn baza qūrady (ŞQO şekarasyna jaqyn). «Būl jerde jauyngerlık jäne taktikalyq daiyndyq sabaqtaryn ūiymdastyrady, onyŋ ışınde QR aumaǧynda jauyngerlerınıŋ turister keipındegı «barlau joryǧyn» ötkızedı. Reseilık jäne qazaqstandyq arnauly qyzmettıŋ bırlesken ıs-şaralarynyŋ arqasynda Limonovtyŋ destruktivtı oiy der kezınde aşylyp, joly kesıldı. Ol tūtqyndalyp, keiınırek qarudy zaŋsyz saqtaǧany üşın jäne terrorizm boiynşa sottaldy. 2003 jyly bosap şyqqannan keiın, Limonov bırneşe ret arandatuşylyq mälımdemeler jasap jürgenımen, naqty qadamdarǧa barmady. Ol 2020 jyly qaitys bolǧanşa ultraradikaldy şovinistık pozisiiada qala berdı», - dedı Komitettıŋ baspasöz qyzmetı."Adyrna" ūlttyq portaly
