Şymkent qalasynda pandemiiaǧa bailanysty qūrylǧan jedel ştabtyŋ kezektı otyrysy öttı. Jiynda kovidke qarsy ıs-qimyldyŋ nätijelerı men vaksinalau mäselelerı talqylandy.
Şymkent qalasy epidemiologiialyq jaǧdai boiynşa «qyzyl aimaqqa» öttı. Üş kün boiyna qalada kovid infeksiiasyn jūqtyrǧan azamattardyŋ sany 100-den joǧary bolyp otyr. Osyny negızge alǧan qala äkımı Mūrat Äitenov karantindık şekteulerdıŋ oryndaluyn qataŋ baqylaudy tapsyrdy. Sonymen qatar, ekpe saldyru mäselesınde tūrǧyndar arasynda keŋınen tüsındıru jūmystaryn jürgızudı sala mamandaryna mındettedı.
Qazırgı taŋda qalada 45 bekette vaksinalau jūmystary jürgızılıp jatqanyn aitqan densaulyq saqtau basqarma basşysynyŋ orynbasary A. Bekbauova koronavirusqa qarsy vaksina salǧandardyŋ sany 50 paiyzdan asqanyn mälım ettı.
«Qalada 536000 adam infeksiiaǧa qarsy ekpe saldyru qajet bolsa, bügıngı taŋda bırınşı komponentpen 267 595 adam egıldı. Būl vaksinasiia josparynyŋ 50% qūraidy. Osy körsetkış boiynşa Şymkent qalasy Qazaqstannyŋ basqa öŋırlerınıŋ köşbasşysy bolyp tabylady»,-dedı A.Bekbauova.
Vaksina salu boiynşa Şymkent «jasyl aimaqta». 1 şıldege 3500 adamǧa ekpe egu josparlanyp, nätijesınde 4373 adamǧa vaksina salynǧan.
Bügınde qala äkımdıgı janynan aşylǧan call-center täulık boiy jūmys ısteude. Qaladaǧy biznes subektılerı üşın «Ashyq» jobasy ıske engızıldı. ASHYQ jobasyna qosylǧan biznes subektılerı sany – 676. Berılgen ötınışter – 1182. Bügınge deiın 139 «sary», 56 «qyzyl» status anyqtalǧan.
Sondai-aq, jiynda memlekettık bas sanitarlyq därıgerdıŋ qaulysyna säikes, tiıstı salalarda jūmysqa rūqsat berudı şekteu boiynşa jauapty memlekettık organdar tarapynan baqylaudy küşeitu, halyqty vaksinasiialaumen neǧūrlym keŋınen qamtu üşın motivasiialyq faktordy küşeitu boiynşa bırqatar ūsynystar aityldy.
"Adyrna" ūlttyq portaly.
