Şymkent qalalyq №2 auruhanasynyŋ bazasynda işemiialyq jäne gemorragiialyq insulttıŋ avtomattandyrylǧan diagnostikasy üşın neiroradiologiia salasyndaǧy jasandy intellekt jüiesı ıske qosyldy.
Mi insultyn 10 minut ışınde anyqtaityn «CEREBRA» jobasynyŋ tanystyrylymy barysynda jaŋa jüiemen jūmys ısteu ädısı men aurudyŋ erte satysynda anyqtaudyŋ maŋyzdylyǧy tolyǧymen tüsındırıldı.
Qazaqstandyq tyŋ joba arqyly medisina mamandary insultty erte deŋgeide anyqtap, işemiiaǧa ūşyraǧan aimaqty uaqytynda emdeudı bastauǧa, operasiia jasauǧa qarsy körsetılımnıŋ bar-joǧyn anyqtau men emdeu şaralaryn der kezınde jürgıze alady. Sonymen qatar atalmyş apparat insult iadrosyndaǧy tınderdıŋ tyǧyzdyǧynyŋ özgeruın eseptep otyruǧa mümkındık beredı. Keleşekte jasandy intellekt jobasyn nevrologiiada qoldanu josparlanuda.
Qazırgı uaqytta «CEREBRA» jobasyna respublika boiynşa 6 qala men 8 insulttyq ortalyq qosylǧan. Resmi mälımetter boiynşa elımızde jyl saiyn 40 myŋnan astam adam insultqa ūşyraidy eken. Sala mamandarynyŋ aituynşa būl auru soŋǧy jyldary jastar arasynda da jiı kezdesıp, jyldan jylǧa jasaryp barady. Sondyqtan būl derttıŋ aldyn aluda erte diagnoz qoiyp, emdeludıŋ qoljetımdılıgın arttyru baǧytyndaǧy ıs-şaralardy köptep ūiymdastyrǧan abzal ekendıgın atap öttı.
Şymkent qalasynyŋ Aqparattyq-kommunikasiialyq ortalyǧy
