Şymkent qalasyndaǧy №6 balalar arnauly äleumettık qyzmetter körsetu ortalyǧynda jaryqpen emdeu täsılı ıske qosyldy. Ortalyqqa jaŋadan satyp alynǧan «Bioptron» medisinalyq qūralynyŋ kömegımen qyzmet aluşylar arasynda tynys alu müşelerı men buyn, būlşyq etterdıŋ aurularyn emdeu mümkın bolyp otyr.
«Ortalyqtyŋ medisinalyq apparatpen qamtamasyz etıluı emdık şaralaryn jürgızude ülken kömegın tigızıp otyr. Mäselen, jaryqpen emdeu ädısı qauıpsız ärı zat almasu prosesterın qalypqa keltıredı, jaralardyŋ jazyluyn jedeldetedı, immundyq jüienı nyǧaitady, mikrosirkuliasiiany jaqsartady jäne auyrsynu qarqyndylyǧyn azaitady. Ortalyqta oǧan qosa stomatologiialyq kabinettıŋ arnaiy qūral-jabdyqtary jaŋartylyp, joǧary sapaly deŋgeide tıs aurularyn emdeudemız»,-deidı äleumettık qyzmetter körsetu ortalyǧynyŋ därıgerı E.Baiǧūtova.
Jalpy, qalalyq jūmyspen qamtu jäne äleumettık qorǧau basqarmasyna qarasty №6 ortalyq jeke kütım jäne baqylaudy qajet etetın 3 jastan 18 jasqa deiıngı psihonevrologiialyq auytqulary bar balalarǧa 8 baǧyt boiynşa qyzmet körsetedı. Bügıngı taŋda 135 balaǧa täulık boiy tūraqty stasionar jaǧdaiynda jäne 95 balaǧa jartylai stasionarda qyzmet körsetılude.
Medisinalyq qyzmet körsetuden bölek, emdık massaj, fizioterapiialyq em, psihologiialyq kömek, montessori ädısı qoldanylyp, qyzmet aluşy ärbır balaǧa äleumettık-oŋaltu şaralary jürgızılede. Mümkındıgı şekteulı balalarǧa emdık şaralaryn körsetu maqsatynda ortalyq jyl soŋyna deiın qosymşa 12 medisinalyq apparatpen qamtylatyn bolady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz