Qazaqstannyń Tuńǵysh Prezıdenti Nursultan Nazarbaev "Qazaq. Altyn adamnyń tarıhy" derekti fılminde Eýroodaq pen Eýrazııalyq ekonomıkalyq odaqtyń bolashaqta birigýi múmkin ekenin aıtty, dep habarlaıdy «Adyrna» tilshisi.
«Jaqyn jerde Shanhaı yntymaqtastyq uıymy ornalasqan. Ol ekonomıkalyq, ınfraqurylymdyq bolyp esepteledi. Kim biledi, mysaly, men bolashaqta Eýrazııalyq odaq pen Shanhaıdyń birigetinine sener edim. Al Eýropalyq Odaq pen Eýrazııalyq odaq birigip, birtutas bolsa, tipti jaqsy bolar edi. Biraq bul qashan bolatynyn bilmeımin»,– dedi ol.
Sondaı-aq Nazarbaev EAEO-nyń damý perspektıvalary bar ekenin atap ótti.
«Biz, eshteńege qaramastan, qatelerdi túzetip, ózara kelisip, naǵyz Eýrazııalyq ekonomıkalyq odaq qurýymyz kerek»,– dep qosty Elbasy.
«Adyrna» ulttyq portaly
