Qala äkımı Mūrat Äitenov aralaǧan taǧy bır mektep J.Aimauytov atyndaǧy №64 mektep-gimnaziiasy. Būl bılım mekemesı qalada alǧaş ret ūiymdastyrylǧan «Jastar ligasynda» voleiboldan bırınşı oryndy alǧan.
Bılım ordasynyŋ oquşylary 20 mln teŋge qarjylai syilyqty mektepke syilap, ol qarjyǧa «Şymkent – qaiyrymdy qala» qory arqyly mekteptıŋ materialdyq-tehnikalyq bazasyn nyǧaitu maqsatynda 12 dana jyljymaly interaktivtı panel alyndy.
Äkım oquşylardyŋ būl igı ısıne rizaşylyǧyn bıldırıp, aldaǧy uaqytta da sporttyq jarystarda aldyŋǧy qatardan körınetınderıne senımdı ekenın jetkızdı. Öz kezınde balalar keler jylyda sporttyq jarysqa qatysatyndaryn aityp, bılım men sportta alda bolatyndaryna söz berdı.
Bılım mekemesın aralau barysynda qala basşysy «Oquǧa qūştar mektep» jobasy boiynşa ūiymdastyrylǧan oqyrman būryşymen jäne voleibol, basketbol, futbol men şahmat üiırmelerınıŋ jūmysymen tanysty.
Qazaqstandaǧy balalar sportyn damytu - memlekettıŋ basym maqsattarynyŋ bırı ekenın aitqan şahar basşysy soŋǧy jyldary qalada köptegen aşyq stadiondar men jattyǧu keşenderı salynyp jatqanyn tılge tiek ettı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz