«Köşbasşylyq. Tūraqtylyq. Qazaqstan Täuelsızdıgınıŋ 30 jyldyǧyna arnalǧan «Progress» şarasynda Qazaqstan Respublikasy Prezidentı Äkımşılıgı Basşysynyŋ bırınşı orynbasary Däuren Abaev qazaqstandyqtardyŋ jetıstıkterı turaly aitty, dep habarlaidy «Adyrna» tılşısı zakon.kz-ke sılteme jasap.
«Bız aiaǧymyzǧa nyq tūrdyq. Özımızdı ekınşı rölde körudı doǧardyq, köptegen qorqynyş pen alaŋdauşylyq sezımın joqqa şyǧardyq. Bız özımızdı öz jerımızdıŋ, taǧdyrymyzdyŋ, bügınımız ben bolaşaǧymyzdyŋ tolyq ielerı retınde sezınemız. Tabys bızge senımdılık berdı, al senımdılık sau ambisiiany tudyrdy. San-Fransiskodan Gonkongqa deiın Grammy alǧan pavlodarlyq jıgıttıŋ äuenın tyŋdaidy. Dears fanattar qozǧalysy kontinentterdı, elderdı bırınen soŋ bırı basyp aldy»,– dedı ol.Ol 30 jyl ışınde köptegen parametr boiynşa bız basqalardyŋ ǧasyrlar boiy, tıptı odan da köp uaqytqa sozylǧan jolyn jasadyq dep qosty.
«Bızdıŋ halqymyz täueldı jaǧdaidan egemendıkke, josparly ekonomikadan naryqqa, totalitarizmnen aşyq, erkın qoǧamǧa alyp modernizasiia jasady. Bıraq üzdıksız damudyŋ osy üş onjyldyǧynyŋ eŋ bastysy – būl ūlt qūrudaǧy jetıstıgımız»,– dep sözın tolyqtyrdy Abaev.
