Almatyda «Altyn būlaq-2» tūrǧyn üi keşenındegı päterler örtenıp jatyr. 120-dan astam adam evakuasiialandy, dep habarlaidy QazAqparat.
Almaty qalasynyŋ Tötenşe jaǧdailar departamentınıŋ küşterı men tehnikasy şaqyrtu boiynşa 11 jeltoqsanda saǧat 23:58-de Almaly audany, Brusilov köşesındegı 167 üidegı örttı söndıruge attanǧanyn mälım ettı. Olar kelgen sätte, iaǧni saǧat 00:08-de «Altyn būlaq-2» tūrǧyn üi keşenınıŋ 6-7, sondai aq 17-18-şı qabattary janyp jatqan.
«Oqiǧa ornynda jedel ştab qūryldy. Gaz jäne tütınnen qorǧau qyzmetınıŋ bölımşelerı qazır 120-dan astam adamdy evakuasiialady, 20 adamdy qūtqardy, gidranttarǧa sisternalar ornatty. Baspaldaq alaŋdaryndaǧy tütındı azaituǧa ony tartatyn ört söndıru kölıkterı jūmyldyryldy», - dep habarlady Almaty qalasy Tötenşe jaǧdailar departamentı.
Jalyn şarpyǧan alaŋǧa 70-ten astam qyzmetker men 18 tehnika jūmyldyrylǧan. Evakuasiia jürıp jatyr. Sol maŋdaǧy jeke kölıkterdıŋ köptıgı ört söndıru tehnikasyna kedergı bolǧanyna qaramastan, ört söndıru satylary ıske qosyldy.
https://youtu.be/43c1OZTIMRI
