Almaty oblysynda oquşylary töbelesken mektep direktory qyzmetınen şettetıldı. Joǧarǧy synyptaǧy balalardan oŋbai taiaq jegen 10-synyp oquşysynyŋ miy şaiqalyp auruhanada jatyr, dep habarlaidy “Adyrna” ūlttyq portaly “Astana” telearnasyna sılteme jasap.
Qylmystyq ıs qozǧalyp, sotqa deiıngı tergeu bastaldy.
Batpaqqa şylanǧan aq köilek, basyn ūstap aqsaŋdap bara jatqan bala. Qalǧan jıgıtterdıŋ taza jürgenıne qaraǧanda, ışınen ekeuı töbelesıp, bırı soqqynyŋ astyna qalǧan syŋaily. Būl beine anasyna bırınşı bolyp jetken. Oŋbai taiaq jegen balasyn bırden tanyp üiıne jetıp barǧan.
"Kelsem, balam qūsyp jatyr. Esınen tanyp, betı kögergen, auzy qanaǧan. Jedel järdem şaqyrdyq. Alyp kettı. Dias, Almat jäne Jandos degen balalardyŋ ūrǧanyn, aqşa sūraǧanyn bıldım", - deidı balanyŋ anasy Şolpan Jūmabaeva.
Oqiǧa Esık qalasyna qarasty Rahat auylynyŋ kısı aiaǧy köp jürmeitın köşelerınıŋ bırınde bolǧan. Būl maŋda üi ielerı jiı kelmeitındıkten köbıne bos bolady eken. Oquşylar bır-bırınıŋ arasyndaǧy kikıljıŋdı osy jaqta şeşetın körınedı.
Anasynyŋ sözınşe, balasyn qanjosa qylyp tepkılegender №1 mekteptıŋ 11- synybynda oqidy eken. Tälımgerlerı töbelesken bılım ordasyna bız de bardyq. Oqu ısınıŋ meŋgeruşısı direktordyŋ ornynda joq ekenın aityp, sūraqqa jauap bere almaimyz dep basyn ala qaşty.
Qazır mektep direktory oquşylar arasyndaǧy töbelestı jasyrǧysy kelgenı üşın jūmysynan şettetıldı. A, tärbie ısı jönındegı orynbasary ornyn bosatty. Al osymen törtınşı kün auruhanada jatqan bozbala qazır oŋalyp kele jatyr. Alaida järdemhanaǧa alǧaş kelgende miy şaiqalyp, ernı jyrtylyp ketıptı.
"Diagnozy: mi zaqymy, betı, keudesındegı būlşyq etterı zaqymdalǧan. Endı osyndai jaǧdai bolǧannan keiın tügel emın berıp, üiıne şyǧaramyz", - deidı Eŋbekşıqazaq köpsalaly audanaralyq auruhanasynyŋ bölım meŋgeruşısı Ahmed Davreşov.
Soqqyǧa jyǧylǧan mektep oquşysy kelesı aptada üiıne şyǧaryluy mümkın. Al poliseiler būzaqylarǧa qatysty sotqa deiıngı tergeu jürgızılıp jatqanyn aitady.
"Oquşylar arasyndaǧy janjal biyl 6- jeltoqsanda Eŋbekşıqazaq audany Rahat auyl okrugınde boldy. Tekseru barysynda oqiǧa sabaqtan keiın saǧat 13:30 şamasynda №1 mekteptıŋ 10, 11 synyptarynda oqityn ekı oquşysynyŋ arasynda bolǧan. Atalǧan faktı boiynşa QR QK 293-baby boiynşa sotqa deiıngı tergeu amaldary bastaldy", - Almaty oblysy PD ökılı Ernar Saidildin.
Qazır poliseiler būzaqylyq baby boiynşa tergeu jürgızıp jatyr. Eger aqşa bopsalamaq maqsatta jetkınşekke küş qoldanǧandary däleldense, 2 jylǧa deiın bas bostandyǧynan airylyp, ata-analary 5 millionnan astam aiyppūl töleuı mümkın.
“Adyrna” ūlttyq portaly
