Osydan 24 jyl būryn Ombyda jasalǧan qos kısı ölımıne küdıktı qazaqstandyq Pavlodarda ūstaldy. Osy uaqyt ışınde er adam memleketaralyq ızdeude bolǧan, dep habarlaidy "dyrna" ūlttyq portaly "Stan.kz-ke" sılteme jasap.
Pavlodar oblysy polisiia departamentınıŋ basşysy Nūrlan Masimovtyŋ aituynşa, ūstalǧan adamdy baǧdar boiynşa öŋırdegı PD köşı-qon qyzmetınıŋ qyzmetkerı anyqtaǧan."Resei Federasiiasynyŋ aumaǧynda apaly-sıŋlı qyzdardy öltırdı degen küdıkpen 54 jastaǧy Qazaqstan azamatynyŋ azamattyǧyn anyqtau kezınde qūjattardy qabyldau arysynda polisiia qyzmetkerı anyqtady", – dedı Mäsımov.
Poliseidıŋ mälımetınşe, ūstalǧan adam 1997 jyly nauryzda Ombyda ekı kısını öltırgen. Tergeu mälımetterı boiynşa, auyzşa janjal kezınde er adam 25 jastaǧy qyzdyŋ basyna aŋşy myltyǧynan oq atyp, 22 jastaǧy sıŋlısın pyşaqtaǧan. Alǧan jaraqattarynan ekeuı de oqiǧa ornynda köz jūmdy.“Alǧan jaraqattarynan ekeuı de oqiǧa ornynda köz jūmdy. Küdıktı mas küide bolǧan. Osy auyr qylmys jasalǧannan keiın er adam tergeu organdarynan jasyrynyp, memleketaralyq ızdeu jariialandy”, – dep tüsındırdı PD köşı-qon qyzmetınıŋ qyzmetkerı. Aita keteiık, Pavlodarda "Migrant" operasiiasy jürıp jatyr, onyŋ barysynda 430 azamat äkımşılık jauapkerşılıkke tartyldy. Qūqyq būzuşylyq üşın 21 şeteldık sot şeşımımen elden şyǧaryldy.
"Adyrna" ūlttyq portaly.
