Şymkent qalasy Jūmyspen qamtu jäne äleumettık qorǧau basqarmasyna qarasty «Asyl-jürek» äleumettık medisinalyq ortalyǧy 29-şy mausymnan bastap karantindık talaptarǧa säikes 65 jasqa deiıngı zeinetkerlerge qyzmet körsetude.
Bügınde ortalyqta 60-qa juyq zeinetker em qabyldyp jatyr. Ortalyqta tūzdy şahtamen emdeu täsılı engızıldı. Qyzmet aluşylar aldymen tolyq tekseruden ötıp, qajet bolǧan jaǧdaida därıgerdıŋ şeşımımen 5-10 kündık kurs retınde tūzdy şahtanyŋ kömegımen em qabyldaidy.
Atalmyş em türı bronh demıkpesı, bronhit, pnevmoniia, LOR-patologiiasy (allergiialyq rinit, sinusittar, gaimorittar, adenoidtar, faringittar, tonzillittar), allergiia, terı aurulary (psoriaz, ekzema), ortalyq nerv jüiesı sekıldı aurulardy emdeuge jäne aldyn aluǧa baǧyttalǧan.
Tūzdy şahtadaǧy em qabyldau paidaly mikroelementtermen bai, auany jūtu jolymen jüzege asyrylady. Emdelu kezındegı eŋ bastysy aǧzadaǧy zat almasu prosesın qalpyna keltıredı. Sonymen qatar aǧzadan jedel türde uly zattar şyǧyp, olar tabiǧi, tūzdyŋ tabiǧi terıs iondarymen almasady.
Sondai-aq tūzdy şahta strestı tüsıru üşın, sozylmaly şarşau sindromyn emdeu kezınde, nevroz, oilau jäne fizikalyq jūmysqa qabılettılıgın arttyru üşın, ūiqyny jaqsartu üşın kömektesedı. Jürek — qan tamyrlary aurularyna da paidaly.
«Bızge kelıp jürgen zeinetkerlerden tek alǧys aludamyz, bızdıŋ ortalyqqa kelgen är zeinetker köŋıl-küilerı köterıŋkı, denderı sau bolǧanyn qalaimyz. Şymkent qalasynyŋ ärbır zeinetkerlerıne ortalyǧymyzdyŋ esıgı ärdaiym aşyq. Äzırge tek 65 jasqa deiıngı zeinetkerlerdı qabyldap jatyrmyz»,- dedı «Asyl-jürek» äleumettık medisinalyq ortalyǧynyŋ direktory Mauiia Aldanazarova.
«Adyrna» ūlttyq portaly.
