Şymkent tūrǧyny «Men käsıpker bolamyn» baǧdarlamasy arqyly jeke emhana aşty

Şymkent tūrǧyny Gülzina Qojabekova «Men käsıpker bolamyn» baǧdarlamasy arqyly özınıŋ jeke emhanasyn aşqan. Äielderge arnalǧan jeŋıldetılgen nesie bar ekenın esıtıp, «Shymkent» ÄKK» AQ-nyŋ käsıpkerlerge arnalǧan fron-ofisıne barady. «Pandemiia kezınde bıraz adam käsıbın jürgıze almai qinalyp qaldy. Al, bız kerısınşe qiyn uaqytta jūmysymyzǧa kırısıp, qanşama janǧa jaŋa ömır syiladyq. Äielder käsıpkerlıgın qoldau maqsatynda 1 paiyzdyq jeŋıldetılgen nesie baryn estıp, front-ofiske keŋes aluǧa bardym. Ondaǧylar 21-58 jastaǧy käsıpkerlerge arnalǧan baǧdarlama ekenın tüsındırıp, qandai qūjattar kerektıgın aitty. Būl baǧdarlama bız siiaqty käsıbın endı bastaǧandarǧa ülken kömek. Özım qanşa jyl qalalyq auruhanada ginekolog bolyp qyzmet atqardym. Jeke emhana aşu ülken armanym bolatyn. Atalmyş baǧdarlamanyŋ arqasynda emhanaǧa qajettı qūral-jabdyqtardy alyp, qazırgı taŋda 7 adamdy jūmyspen qamtyp otyrmyn. Jūmys jasaimyn degenge qazırgı taŋda memleket tarapynan köptegen kömek körsetılude. Tek qana alǧys bıldıremın, - deidı «Kojabekova JŞS» jetekşısı Gülzina Saidullaqyzy. Emhana Nūrsat şaǧyn audanynda ornalasqan. Ginekologiialyq ortalyqta jatyr moiyny patologiiasyn emdeidı. Jaŋa innovasiialyq tehnologiialar arqyly aurudy der kezınde anyqtauǧa mümkındık bar. Memleket tarapynan qoldau körsetılıp, jeŋıldıkter qarastyrylǧandyqtan olar öz tarapynan memlekettık äleumettık medisinalyq saqtandyru baǧdarlamasy boiynşa halyqqa tegın qyzmet körsetu üstınde.